10 yaşlı uşağa xəsarət yetirən şəxs barəsində qanuni tədbirlər görüldü.
Oxu.az-ın əldə etdiyi məlumata görə Bərdədəki hadisə ilə bağlı Cinayət Məcəlləsinin 128-ci (sağlamlığın qısa müddətə pozulmasına və ümumi əmək qabiliyyətinin cüzi itirilməsinə səbəb olmuş qəsdən sağlamlığa yüngül zərər vurma) maddəsi ilə cinayət işi başlanılıb.
Araşdırma davam etdirilir.
***
Bərdə rayonunda iki qonşu arasında baş verən xoşagəlməz hadisədə 10 yaşlı uşaq döyülüb və yüngül xəsarətlər alıb.
Oxu.Az-ın əldə etdiyi məlumata görə, sərxoş olduğu iddia edilən 1981-ci il təvəllüdlü qadın 10 yaşlı uşağın cinsiyyət orqanına yüngül xəsarət yetirib.
Faktla bağlı polis tərəfindən araşdırma başladılıb.
***
Bərdə rayonunda qonşular arasında xoşagəlməz hadisə baş verib.
“Qafqazinfo” xəbər verir ki, Göyçay rayon sakini, 1981-ci il təvəllüdlü N.Əliyeva (adı şərtidir) evə gələrkən qonşusu 10 yaşlı Rafiqin (adı şərtidir) onun 2 yaşlı qızına qarşı seksual hərəkətlər etdiyini gördüyünü deyib. Bundan sonra qadın Rafiqi döyüb. Ardınca uşağın cinsiyyət orqanının bir hissəsini kəsərək həyətə atıb.
İddiaya görə, N.Əliyeva bu hərəkəti edərkən sərxoş vəziyyətdə olub.
Hazırda 10 yaşlı Rafiqin vəziyyətinin normal olduğu bildirilir.
Faktla bağlı hüquq-mühafizə orqanlarının əməkdaşları araşdırma aparır.
pia.az