İsveçrənin “Henley & Partners” şirkəti dünyanın ən güclü pasportlarının yeni siyahısını açıqlayıb.
Reytinq cədvəlində ilk yeri Yaponiya tutur. Bu ölkənin pasportu ilə 193 ölkəyə vizasız səfər etmək mümkündür.
İkinci yerdə Sinqapur gəlir. Sinqapur pasportu 192 ölkəyə vizasız səfər etmək imkanı verir.
Üçüncü yerdə duran Cənubi Koreya və Almaniyanın pasportları ilə 191 ölkəyə vizasız getmək olur.
Dördüncü yerdə dörd Avropa ölkəsinin adı var: Finlandiya, İtaliya, Lüksemburq, İspaniya. Bu ölkələrin hər birinin pasportu 190 ölkəyə vizasız qapı açır.
İlk onluqda sonrakı yerlərdə Avstriya, Danimarka (189 ölkə), Fransa, İrlandiya, Niderland, Portuqaliya, İsveç (188 ölkə), Belçika, Yeni Zelandiya, İsveçrə, Böyük Britaniya, ABŞ (187 ölkə), Yunanıstan, Malta, Norveç, Çexiya (186 ölkə), Avstraliya, Kanada (185 ölkə), Macarıstan, Litva, Polşa, Slovakiyanın (183 ölkə) adları var.
Reytinq cədvəlinə görə, Rusiya pasportu 118, Türkiyə pasportu 111, Gürcüstan pasportu 116, Azərbaycan pasportu 68, Ermənistan pasportu 64, İran pasportu 42 ölkəyə vizasız qapı açır.
Ən zəifi Əfqanıstan (26 ölkə), İraq (28 ölkə), Suriya (29 ölkə) pasportlarıdır.
Reytinq tərtib edilərkən koronavirus pandemiyasına görə tətbiq olunan müvəqqəti səfər məhdidiyyətləri nəzərə alınmayıb.(novator.az)
pia.az
Digərxəbərlər
Populyar xəbərlər
