Sui-qəsd teoriyası yaradanlar dünyada uşaq seksi şəbəkəsini idarə etdiyinə inandıqları Hilari Klintonun seks köləsi kimi istifadə edəcəyi uşaqları qapalı gəmidə saxladığını düşünürlər...
Serdar Turgut
“Habertürk” qəzeti, Türkiyə, 31 mart 2021-ci il
Son bir həftədir ki, Süveyş kanalında baş verən qəza nəticəsində kanalın hər iki istiqamətdən bağlanması dünyanın gündəmini məşğul edir.
Süveyş Kanalı dünya ticarət nəqliyyatının 10%-nu təmin edən və xüsusilə də, Çindən ixrac olunan malların keçdiyi bir yol olduğu üçün, bu qəzanın iqtisadi səbəbləri hər kəsə aydındır. Quma oturan gəmidə də Çindən Hollandiyaya göndəriləcək mallar var idi. Həmçinin, qəzaya uğramış gəmiyə görə tamamilə bağlanmış kanaldan heyrətamiz fotoşəkillər gəlirdi.
Amerika adminstrasiyası da gəmini xilas etmək və kanalı açmaq üçün mübarizə aparan Misirə kömək təklif edib. Gəmi qumdan çıxarıldı, lakin danışıqlar hələ də davam edir.
Maraqlı bir sui-qəsd teoriyası
Amerika konqresinə hücum edən insanların inandığı bir “Qanon” sui-qəsd teoriyası var. Buna inananların fikrincə, uşaq seksi şəbəkəsini idarə edən elitalar Amerikanı və dünyanı da idarə edirlər. Trampı da bu elitlərlə mübarizə apardığı üçün sevirdilər.
Kiminsə belə absurd bir düşüncəyə inanması qəribə görünə bilər, amma Amerikada yaradılan bu sui-qəsd teoriyasına Yaponiyada daxil olmaqla bir çox inkişaf etmiş ölkələrdə inanırlar. Bu sui-qəsd teoriyasına inananların hədəfi isə 4 il əvvəlki seçkilərdə Trampın rəqibi Hilari Klintondur. İndi bu cür düşünənlər gəmi hadisəsini də Hilari Klintona aid edirlər.
Sui-qəsd teoriyası yaradanlar dünyada uşaq seksi şəbəkəsini idarə etdiyinə inandıqları Hilari Klintonun seks köləsi kimi istifadə edəcəyi uşaqları qapalı gəmidə saxladığını düşünürlər.
Mən də belə düşüncələrin dəlilik olduğuna inanıram. Lakin gəmi qəzasında elə detallar var ki, bunları öyrəndikcə iddiaların doğru olub olmadığını düşünməyə başladım.
Bu qədər də təsadüf ola bilməz
Süveyş kanalında quruya çıxan gəminin işarə siqnalı H3RC-dir. Sui-qəsd iddiası ilə çıxış edənlər gəminin mayak siqnalının bu 3 hərfinin “Hillarry Rodham Clinton” adının baş hərfləri olduğuna inanırlar.
Üstəlik, gəminin adı da “Ever Green”dir. Sui-qəsd iddiası yayanların öyrəndiyinə görə, Hilari Klinton Bill Klintonun həyat yoldaşı kimi Ağ Ev-də olarkən gizli xidmət mənsubları ona kod adı kimi “Ever Green” ləqəbini vermişdilər. Əlbəttə ki, bu iki məlumatdan sonra insanlar lap dəli oldular və yeni bir qlobal sui-qəsd teoriyası qaçınılmaz şəkildə yayılmağa başladı. Hər kəs bu barədə indi “QAnon”un saytlarında, Gab-da və Telegram-da müzakirələr aparır.
Tərcümə PİA.az-ındır.
Fatimə ƏLİYEVA
pia.az
Digərxəbərlər
Populyar xəbərlər
