Cümə axşamı, 15 Aprel 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Qubad İbadoğlu - Aeroport yox, sürət qatarı...

“Qarabağda bir aeroportun tikilməsi kifayətdir”.

Azərbaycan Demokratiya və Rifah Hərəkatının sədri, iqtisadçı alim Qubad İbadoğlu belə düşünür. Novator.az-ın məlumatına görə, o yazır ki, Azərbaycanda 9 mülki aeroport (Bakı, Gəncə, Naxçıvan, Lənkəran, Qəbələ, Yevlax, Zaqatala, AğstafaBalakəndə), 4 hərbi aeroport var: “İndi Füzuli, ZəngilanLaçında da aeroportlar tikmək planlaşdırılır. Məncə, Qarabağda həm mülki, həm də hərbi təyinatlı cəmi bir aeroportun tikilməsi kifayətdir. Bir aeroportun tikintisi 100 milyon manatadək xərc aparacaq, sonra da onların saxlanması üçün hər gün, hər ay, hər il büdcədən 10 milyonlarla manat vəsait məsrəf olunacaq. Bununla da iş bitmir, gərək yüz milyonlarla dollar xərcləyib hər aeroporta təyyarələr alaq, maşın, avadanlıq parkı yaradaq.

Belə yanaşma iqtisadi cəhətdən səmərəli deyil, yalnız indiki nəsli deyil, gələcək nəsilləri də düşünmək lazımdır. Aeroportların tikintisi və saxlanmasına böyük vəsait yönəltməkdənsə dəmir yolları modernləşdirilsin, yeni yollar müasir standartlarda tikilsin, həm Qarabağa, həm də Naxçıvana getmək üçün rahat, təhlükəsiz sürət qatarları infrastrukturu yaradılsın.

Bu həm xalqa, həm də turistlərə xidmət üçün daha məqbul variantdır. Bakıdan Naxçıvana 581 kilometr məsafə var. Sürət qatarı ilə paytaxtdan Naxçıvana 3 saata, Ağdama isə saat yarıma gedə bilsək, bundan hər kəs – camaat da, turistlər də razı qalar. Xeyli xərcə qənaət edə, gələcəkdə də rentabelli nəqliyyat infrastrukturu yarada bilərik”.

Ermənistan 1988-1994-cü illərin təcavüzündə Azərbaycanın Qarabağ bölgəsinin böyük qismini işğal edib.

2020-ci il sentyabrın 27-dən Azərbaycan Ordusunun keçirdiyi əməliyyatlarda Cəbrayıl, Füzuli, Zəngilan, Qubadlı, Şuşa şəhərləri, bir çox qəsəbə və kənd azad olunub.

Noyabrın 10-na keçən gecə Azərbaycan prezidenti, Ermənistanın baş naziri və Rusiya prezidenti birgə bəyanat imzalayıblar.

Bəyanata əsasən, noyabrın 10-dan Dağlıq Qarabağ münaqişəsi zonasında hərbi əməliyyatlar dayandırılıb.

Dağlıq Qarabağa və bu bölgəni Ermənistanla birləşdirən Laçın yoluna Rusiyanın hərbi kontingenti yeridilib.

Ermənistan dekabrın 1-dək Ağdam, KəlbəcərLaçın rayonlarını Azərbaycana qaytarıb.

Razılaşma həmçinin köçkünlərin Qarabağa qayıtmasını, bölgədəki bütün iqtisadi əlaqələrin və nəqliyyat əlaqələrinin bərpasını, o cümlədən Azərbaycanın əsas hissəsindən Naxçıvan Muxtar Respublikasına sərbəst gediş-gəliş imkanı yaradılmasını da nəzərdə tutur. (novator.az)

pia.az


Etiket:


Digərxəbərlər

Populyar xəbərlər

Elmira Axundovanın Qəbələdəki dəbdəbəli villasının videosu yayıldı

Qadınla intim videosu yayılan axund danışdı: “Xəyanətə görə boşanıb”

Dağlıq Qarabağın “işğaldan azad edilməsinə” nail olacağıq – Paşinyan sərsəmlədi

İlham Əliyev ilə Lukaşenkonun qeyri-rəsmi görüşü beş saat davam edib - Yenilənib

“Albert Rıji”nin qətli üçün ödənilən məbləğ açıqlandı

“Aqroservis” ASC-dən kobud tender pozuntusu: milyon yarımlıq tenderi udan şirkət kimə məxsusdur? - Foto

Keçmiş ərindən Tünzaləyə sərt cavab: "Ona elə sözlər deyərdim ki.."

“Poseydon” - Rusiyanın “qiyamət günü” yarada biləcək silahı Nyu-Yorku xəritədən silə bilər...

Ukrayna böhranı: Rusiya Türkiyə ilə hava əlaqəsini dayandırır - Bu xəbərdarlıqdır, yoxsa qırılma nöqtəsi?..

Ən çox oxunanalar