Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ermənistanda yüksək vəzifə tutan bəzi generallar Paşinyanın istefası tələbinə qoşulmayıb

Ermənistanda yüksək vəzifə tutan bəzi generallar Silahlı Qüvvələrin Baş Qərargahının Baş nazir Nikol Paşinyanın istefasını tələb edən bəyanatını imzalamayıblar.

APA-nın “Armlur.am” saytına istinadən verdiyi xəbərə görə, 4 yüksək rütbəli zabit Baş Qərargahın bəyanatına qoşulmayıb.

Onlar Silahlı Qüvvələrin Hərbi Hazırlıq İdarəsinin rəisi, Baş Qərargah rəisinin müavini general-leytenant Andranik Makaryan, Silahlı Qüvvələrin Baş Kəşfiyyat İdarəsinin rəisi general-mayor Arakel Martikyan, Silahlı Qüvvələrin Silahlanma İdarəsinin rəisi general-mayor Poqos Poqosyan və Silahlı Qüvvələrin Baş Qərargahının hərbi rabitə şöbəsinin rəisi polkovnik Artur Çatyandır.

Yüksək rütbəli zabitlər barələrində cinayət işinin başladılacağından narahatdırlar.

Adıçəkilən şəxslər hüquq-mühafizə orqanlarının diqqət mərkəzindədir. Belə ki, Andranik Makaryanın şöbəsinin 44 günlük müharibədəki fəaliyyəti ilə bağlı artıq cinayət işinin başlandığı bildirilib. Lakin bu cinayət işi ilə əlaqədar onun ifadəni imzalamadığı qeyd olunur.

General-mayor P. Poqosyan iş adamı, silah satıcısı David Qalstyan ("Patron Davo") tərəfindən təmin olunan qeyri-qənaətbəxş sursatı qəbul edən Müdafiə Nazirliyinin komissiyasının üzvü olub. Silahlanma İdarəsinin rəisinin "Patron Davo" işi ilə bağlı vəziyyəti nəzərə alaraq, hakimiyyətə qarşı çıxmaqdan qorxduğu ehtimal edilir.

Silahlı Qüvvələrin Baş Kəşfiyyat İdarəsinin rəisi Arakel Martikyanın müharibə zamanı bəzi əməliyyatlar barədə səhv məlumat verdiyi iddia olunur. Bu səbəbdən barəsində cinayət işinin başladılmasından qorxduğu üçün o, N. Paşinyanın istefası tələbinə qoşulmayıb.

A. Çatyan isə sözügedən bəyanatın imzalandığı vaxt Baş Qərargahda olmayıb.

Xatırladaq ki, fevralın 25-də Ermənistan Silahlı Qüvvələrinin Baş Qərargahı Baş naziri N. Paşinyanın istefasını tələb edən bəyanat imzalayıb. Bundan sonra ölkədəki siyasi böhran daha da kəskinləşib. Buna cavab olaraq Baş nazir bu addımı hərbi çevrilişə cəhd adlandırıb və Baş Qərargah rəisi Onik Qasparyanın vəzifəsindən uzaqlaşdırılmasına dair qərar imzalayıb. Ancaq Prezident Armen Sarkisyan bu sənədi imzalamayıb.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Politoloq: Ukraynadan sonra növbəti qurban Ermənistan seçiləcək...

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Sumqayıtda xəstəxananın həyətində aşkarlanan körpə meyiti ilə bağlı araşdırma aparılır - Yenilənib  

Bakıda və üç rayonda qazın verilişində məhdudiyyət olacaq

Ən çox oxunanalar