Bu ilin fevral ayında OPEC (Neft İxrac Edən Ölkələr Təşkilatı) ölkələri üzrə gündəlik neft hasilatı orta hesabla 24,89 mln. barel təşkil edib.
Bu barədə "APA-Economics" "Reuters"in araşdırmasına istinadən xəbər verir.
Araşdırmaya əsasən, bu ilin yanvar ayı ilə müqayisədə fevralda gündəlik neft hasilatı orta hesabla 870 min barel azalıb.
"Bu, 2020-ci ilin iyunundan bəri ilk aylıq azalmadır", - məlumatda qeyd edilir.
Məlumatda vurğulanır ki, azalma əsasən Səudiyyə Ərəbistanın hesabına əldə olunub. Belə ki, araşdırmaya görə, fevralda ölkə gündəlik neft hasilatının 850 min barel azaldıb.
pia.az