Azərbaycanda şəhid ailələrinə, eləcə də Qarabağ qazilərinə diqqət, qayğı bütövlükdə sosial siyasətin prioritet istiqamətlərindən biridir. Artıq şəhid ailələrinin, eləcə də Qarabağ qazilərinin sosial təminatının daha da gücləndirilməsi ilə bağlı Prezident İlham Əliyev tərəfindən müvafiq Fərman və sərəncamlar imzalanıb, aidiyyəti qurumlara tapşırıqlar verilib və bu istiqamətdə fəaliyyətlər daha da genişləndirilir.
Hazırda şəhid ailələrinin sosial təminatının gücləndirilməsi ilə bağlı 20 proqram dövlət tərəfindən dəstəklənir və maliyyələşdirilir. Eləcə də Qarabağ qazilərinin sosial təminatının gücləndirilməsi ilə bağlı 12 proqram həyata keçirilir. Nəticə etibarilə bu, ondan xəbər verir ki, həm şəhid ailələrinin, həm də Qarabağ qazilərinin sosial təminatının gücləndirilməsi ilə bağlı çoxlu sayda dövlət proqramları mövcuddur. Eyni zamanda, həmin ailələrə verilən müavinətlərin artırılması da mütəmadi olaraq həyata keçirilir. Həmçinin yanvarın 25-də Prezident İlham Əliyev ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin və şəhid ailələrinin sosial-məişət şəraitinin yaxşılaşdırılması ilə bağlı bir sıra tədbirlər haqqında Sərəncam imzalayıb. Belə ki, Sərəncama əsasən, 2021-2025-ci illərdə həmin kateqoriyadan olan şəxslərin (ailələrin) mərhələli şəkildə mənzillə təminatı həyata keçiriləcək. Bu sənəd bir daha onu təsdiq edir ki, bu məsələ Azərbaycan üçün bütövlükdə ölkəmizdə həyata keçirilən sosial siyasətin əsas istiqamətlərindən biridir.
Dövlət dəstəyi ilə yanaşı, artıq yeni formalaşan “YAŞAT” Fondu da şəhid ailələrinə, eləcə də Qarabağ qazilərinə xüsusi dəstək nümayiş etdirməkdədir. Sabirabad rayonunda da “YAŞAT” Fondunun əməkdaşları İkinci Qarabağ müharibəsində şəhid olmuş vətəndaşlarımızın ailələri ilə görüşüblər. Təbii ki, “YAŞAT” Fondu həmin ailələrə lazımi dəstək göstərir və bu qayğı davamlı olacaqdır. Eyni zamanda, həm dövlət tərəfindən, yəni dövlət büdcəsindən, həm də büdcədənkənar mənbələrdən də şəhid ailələrinin və Qarabağ qazilərinin, eləcə də onların ailə üzvlərinin sosial təminatının gücləndirilməsi ilə bağlı işlər davam etdirilir. Bu baxımdan Azərbaycan üçün 2021- ci il və növbəti illərdə də şəhid ailələrinin və Qarabağ qazilərinin ailə üzvlərinin sosial təminatının daha da gücləndirilməsi prioritet olaraq qalacaq. Bu istiqamətdə həm dövlət, həm Heydər Əliyev Fondu, həm də “YAŞAT” Fondu mühüm işlər həyata keçirirlər. Bu isə ondan xəbər verir ki, ölkəmizdə şəhid ailələrinin və Qarabağ qazilərinin sosial təminatının gücləndirilməsi ilə bağlı sistemli və kompleks tədbirlər həyata keçirilir.
Məleykə Ağayeva,
Yeni Azərbaycan Partiyası Sabirabad rayon təşkilatının sədri
pia.az
Digərxəbərlər
Populyar xəbərlər
