Yerevanın mərkəzində, Opera Teatrı binasının qarşısında hakimiyyət və müxalifət tərəfdarları arasında ilk qarşıdurmalar baş verib.
Virtualaz.org yerli KİV-ə istinadən bildirir ki, Azadlıq meydanında müxalif "Vətənin xilası uğrunda" hərəkatının tərəfdarları toplaşıblar. Eyni zamanda, Ermənistanın baş naziri Nikol Paşinyana dəstək olaraq yürüş edən vətəndaşlar da oradan keçib gediblər.
Polis ciddi toqquşmaların qarşısını çətinliklə ala bilib. Lakin vəziyyət gərgin olaraq qalmaqda davam edir.
pia.az