“Real Madrid”in kapitanı son matçda ağrıkəsici vasitəsi ilə oynayıb

İspaniyanın "Real Madrid" klubunun kapitanı Serxio Ramos zədələnib.

"Marca" xəbər verir ki, 35 yaşlı müdafiəçinin sol dizində problem aşkarlanıb.

Təcrübəli futbolçu ölkə superkubokunun yarımfinalda “Atletik”ə 1:2 hesabı ilə uduzduqları matçda ağrıkəsici vasitəsi ilə oynayıb.

Tibbi müayinədən sonra Ramosun zədəsinin nə dərəcədə ciddi olduğu müəyyənləşəcək.

Qeyd edək ki, Serxio Ramos 2020/2021 mövsümündə "Real Madrid" forması ilə 18 matçda iştirak edib. O, 3 qol və 1 məhsuldar ötərmə ilə yadda qalıb.

pia.az