“Bu gün Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin yaradılmasının bir ili tamam olur. Bu münasibətlə şöbənin müdiri Ədalət Vəliyevi və bütün əməkdaşları təbrik edirəm və daima zəfər xəbərləri eşitmələrini arzulayıram. Qeyd etməliyəm ki, Prezident sərəncamı ilə yaradılandan bəri şöbə siyasi partiyalarla yeni siyasi düzən formalaşdıra bilib. Onilliklər boyu davam edən uçurum aradan cəmi bir neçə aya qaldırıldı”.
PİA.az-ın xəbərinə görə, bunu Milli Məclisin deputatı, Azərbaycan Milli Cəbhə Partiyasının sədri Razi Nurullayev deyib.
R.Nurullayev qeyd edib ki, bu müddət ərzində yeni siyasi partiyalar, o cümlədən Milli Cəbhə Partiyası qeydiyyata alınıb, siyasi partiyaların Prezidentlə təmas imkanları formalaşıb:
“Təkliflər dinlənilir və reaksiya verilir. Bir sözlə normal dialoq mühiti yaranmaqdadır. Vətən müharibəsində 50 siyasi partiya şöbənin təşəbbüsü ilə milli birlik çağırışı etdi və sona qədər də hər tərəf öhdəliklərinə sadiq qalıb. Bu milli birliyin İkinci Qarabağ müharibəsində qələbə qazanmağımızda xüsusi rolu oldu.
Ümid edirəm ki, bundan sonra da əməkdaşlıq və dialoq mühiti yeni templə davam edəcək və biz müxtəlifliklərimiz və fərqliliyimizi yalnız meydanlarda deyil, ən yaxşısı masa arxasında müzakirə edib həll yolları tapacağıq”.
pia.az
Digərxəbərlər
Populyar xəbərlər
