Çərşənbə, 20 Yanvar 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Suqovuşan və Talış kəndlərinə çəkilən yolla bağlı mühüm yenilik

"Azərbaycan Ordusunun həyata keçirdiyi əks-hücum əməliyyatları nəticəsində Ermənistan silahlı qüvvələrinin işğalından azad edilmiş Tərtər rayonunun Suqovuşan və Talış kəndlərinə gedən avtomobil yollarının çəkilməsi ilə bağlı tikinti işləri davam etdirilir. Həmin yolları ermənilər 27 il ərzində pis vəziyyətə salıblar. Ermənilər işğal altındakı yaşayış məntəqələrini alt-üst etdiyi kimi yolları da pis vəziyyətə salıblar".

Bunu “Report”a açıqlamasında Azərbaycan Avtomobil Yolları Dövlət Agentliyinin (AAYDA) Mətbuat xidmətinin rəhbəri Anar Nəcəfli deyib.

Onun sözlərinə görə, ikinci texniki dərəcəyə uyğun yeni yol salınır: “Yolun asfalt-beton örtüyünün eni 9 metr təşkil edəcək. Bu avtomobil yolu 1 gediş, 1 gəliş olmaqla iki geniş hərəkət zolağından ibarət olacaq”.

A.Nəcəfli qeyd edib ki, Tərtərdən Suqovuşana qədər torpaq işləri demək olar ki, yekunlaşıb: “Yeni yol yatağı və yol əsası inşa edilib. Buna paralel olaraq hazırda Suqovuşandan Talış istiqamətində də olan yolun tikinti işləri həyata keçirilir. Bu istiqamətdə torpaq işləri görülür, yolun yatağı hazırlanır. Daha sonra yollara asfalt-beton örtüyünün döşənməsi işləri həyata keçiriləcək. İşlər çox sürətli aparılır. İşlər iki hissədə, Tərtərdən Suqovuşana, Suqovuşandan Talış istiqamətində aparılır, iki böyük briqadamız çalışır. Əraziyə kifayət qədər canlı qüvvə və texnika cəlb edilib ki, qısa müddətdə işləri yekunlaşdıra bilək. Bu əraziyə təkcə Tərtər şəhərindən deyil, alternativ olaraq Naftalan şəhərindən də daxil olmaq məqsədilə gələcəkdə Talış kəndindən Goranboyun Tap Qaraqoyunlu kəndinə yeni yolun inşa edilməsi planlaşdırılır. Bununla da Naftalan şəhərindən Tap Qaraqoyunlu kəndindən keçməklə Talış, Suqovuşan istiqamətində də hərəkət etmək mümkün olacaq”.

Azərbaycan Respublikasının Prezidenti İlham Əliyevin tapşırığına əsasən, Avtomobil Yolları Dövlət Agentliyi tərəfindən, 3 oktyabr tarixində Azərbaycan Ordusunun həyata keçirdiyi əks-hücum əməliyyatları nəticəsində Ermənistan silahlı qüvvələrinin işğalından azad edilmiş Tərtər rayonunun Suqovuşan və Talış kəndlərinə gedən avtomobil yollarının bərpasına başlanılıb.

Xatırladaq ki, Suqovuşan və Talış kəndlərinə gedən avtomobil yolları ötən əsrin 70-ci illərində Suqovuşan su anbarının tikintisi ilə əlaqədar Heydər Əliyevin tapşırığına əsasən inşa edilib. Hazırda işğaldan azad edilmiş yaşayış məntəqələrinə qədər uzanan sözügedən tarixi yolun bərpası istiqamətində genişmiqyaslı tikinti işləri görülür.

Qeyd edək ki, ümumilikdə Ermənistan silahlı qüvvələrinin işğal etdiyi torpaqlarımızda 2 661 km uzunluğa malik respublika və yerli əhəmiyyətli avtomobil yolları var idi ki, onlardan 883 km respublika, 1 778 kilometri isə yerli əhəmiyyətli yollardır. Həmçinin bu yollar üzərində 90 avtomobil körpüsü də yerləşir.

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Ermənilər yolu bağladı, rus general “Artsax” dedi - Sülhməramlıların yeni “tamaşası” -Video

Prezident döyüşən zabitləri təltif edir, Xanlar Vəliyev isə həbsə göndərir

Məhərəm Əliyev ermənilərə pasport verən şəxsi işdən çıxarmışdı, Ramiz Mehdiyev isə vəzifə verdi

Qarabağa zorla köçürülən ermənilər geri qaçır - Yalan statistikanın gerçək tərəfləri

Oliqarx məmur Kəmaləddin Heydərovun ailə biznesinə yaxın şirkətlər ləğv edilir

Cahangir Əsgərova məxsus şirkətlərin siyahısı

“Yeni Azərbaycan Partiyasının adına utanıram ki, Siyavuş Novruzov kimi üzvü var”

Siyavuş Novruzov Əli Həsənovu və Qüdrət Həsənquliyevi “beşinci kolon”un üzvü adlandırdı

“Siyavuş Novruzova əli çatan, ünü yetən dostlar varsa, desin ki...”

Dollar yanvarın 21-də bu qiymətə satılacaq - Rəsmi

“Bizə deyirdilər ki, Ramiz Mehdiyevdən başqa kimi istəyirsiniz söyün” - Hafiz Hacıyev

Ən çox oxunanalar