Şənbə, 05 Dekabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Fərhad Əhmədov orduya dəstəyini davam etdirir

Azərbaycan əsilli rusiyalı biznesmen, milyarder Fərhad Əhmədov Qarabağda döyüş əməliyyatları başlayandan bəri ordumuza və erməni terrorundan zərər çəkən mülki sakinlərə, döyüşlərdə şəhid olanların ailələrinə dəstəyini davam etdirir.

Virtualaz.org xəbər verir ki, biznesmen bu günlərdə əsgərlərimiz üçün 2 min dəst isti alt paltarları, 1500 isti puloverlər, döyüşlərdə hərbçilərimizə gərək olan bir sıra müasir xüsusi hərbi ləvazimatlar alaraq döyüşçülərə çatdırıb. Eləcə də əsgərlərimizə ərzaq sovqatları, dizel generatorları, benzin mühərrikli mişarlar və s. göndərib.

F.Əhmədov habelə döyüşlərdə yaralanan hərbçilərimizin müalicəsində lazım olan dərman vasitələri və tibbi ləvazimatların da alınmasımasını, xəstəxanalara çatdırılmasını təşkil edib. Bundan əlavə biznesmen Göyçayİsmayıllı rayonlarında şəhid ailələrinə maddi yardımlar göstərib. Düşmənin Gəncəni ballistik raketlərlə atəşə tutması nəticəsində həlak olanların ailələrinə, yaralananlara, ev-eşiyini itirənlərə də maddi dəstək verib.

Xatırladaq ki, F.Əhmədov ordumuzun Qarabağda torpaqlarımızın düşməndən azad edilməsi uğrunda döyüşlərə başladığı ilk gündən xüsusi müraciətlə çıxış edərək bütün azərbaycanlıları ordunu və Ali Baş komandan İlham Əliyevi dəstəkləməyə çağırıb. Bu müqəddəs savaşda vətəninə olan sevgisini və Ali Baş komandana sədaqətini nümayiş etdirmək üçün öz imkanlarını səfərbər edib.

“Bütün azərbaycanlıların bir nəfər kimi sıx birləşməsinin və bizim təcavüzkarlar tərəfindən işğal edilən tarixi torpaqlarımızın azad edilməsini başladan Azərbaycanın Ali Baş komandanını, ordunu dəstəkləməsinin vaxtı çatıb”,-milyarder öz müraciətində bildirmişdi.

Habelə biznesmen müharibənin ilk günlərindən etibarən əsgərlərə sovqat göndərilməsi kampaniyasını başladıb. Səhmləri F.Əhmədova məxsus olan və Göyçayda fəaliyyət göstərən “AzNar” QSC-nin istehsalı olan ekoloji təmiz məhsullardan, eləcə də müəssisənin ayırdığı vəsaitlə alınan corab, isti papaq, birdəfəlik üzqırxanlar və s. ibarət olan sovqat bağlamaları müntəzəm olaraq cəbhə bölgəsinə göndərməkdədir. “AzNar” QSC –dən bildiriblər ki, F.Əhmədovun tapşırığı ilə onlar Qarabağda müharibə başa çatana qədər bu kampaniyanı davam etdirəcəklər.

Qeyd edək ki, F.Əhmədovun torpaqlarımızın işğaldan azad edilməsi uğrunda Ali Baş komandanın rəhbərliyi altında ordumuzun apardığı bu ədalətli savaşa verdiyi dəstək bunlarla bitmir. Biznesmen Rusiya KİV-lərində tez-tez Qarabağ müharibəsi, münaqişənin kökləri və Azərbaycanın ədalətli, beynəlxalq hüquqa əsaslanan mövqeyinin müdafiəsi mövzusunda müəllif məqalələri ilə çıxış edir. Məsələn, F.Əhmədov oktyabrın əvvəllərində erməni əsilli rusiyalı milyarder Ruben Vardanyanın Rusiya prezidenti Vladimir Putini Ermənistana köməyə çağıran müraciətinə tutarlı cavab yazmışdı. Həmin məqalə bir çox Rusiya KİV-lərində dərc olundu.

(https://novayagazeta.ru/news/2020/10/07/164755-pochemu-zhizn-odnih-lyudey-dlya-tebya-vyshe-zhizni-drugih-milliarder-ahmedov-otvetil-na-obraschenie-vardanyana-k-putinu-po-karabahu).

Daha sonra biznesmen Azərbaycanı guya Qarabağda “terrorçulardan istifadə etməkdə” günahlandıran Ermənistana və ona dəstək verənlərə cavab olaraq terrora əl atmağın məhz ermənilərə xas olduğunu faktlarla göstərib, müxtəlif vaxtlarda fəaliyyət göstərmiş 12 erməni terror təşkilatı barədə yazıb. Eləcə də Rusiyanın Qarabağ məsələsində Azərbaycanın haqlı mövqeyini dəstəkləməklə Cənubi Qafqazda nüfuzunu bərpa edə biləcəyinə dair məqalə ilə çıxış edib.

(https://newizv.ru/news/world/19-10-2020/farhad-ahmedov-idet-narodnaya-voyna-za-osvobozhdenie-karabaha-kakova-rol-rossii).

F.Əhmədov işğaldan azad edilən ərazilərimizdə tarix-mədəniyyət abidələrinin bərpasına da dəstək vermək niyyətindədir. Xatırladaq ki, biznesmen İsmayıllıGöyçay rayonlarında üzümçülük, şərabçılıq və digər kənd təsərrüfatı sahələrinə iri yatırımlar qoyub, minlərlə iş yeri açıb. O cümlədən xeyriyyəçilik fəaliyyətlərinə hər il öz kapitalından milyonlarla dollar sərf edir.

Fotolar

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

“Azərbaycan əsgərləri Xankəndidə bizi ələ salırlar“ - Tiqran Abrahamyan

Bilgəhdə üçmərtəbəli villası prezidentin tapşırığı ilə sökülən FHN-nin idarə rəisi yeni villa tikdirib

Komendant saatının ləğvi ilə bağlı açıqlama

Tofiq Zülfüqarov Musabəyovu dəstəklədi: "Türk hərbçilərinin gəlməsini istəyənlər.."

“Mehdiyev ermənilərə qarşı çıxsaydı, arvadı ona divan tutardı” - Fəzail Ağamalı

Əhmədzadənin qarabağlı müavini Füzuli uğrunda şəhidlər verdiyimiz günlərdə Londonda oğluna mənzil alıb - Foto

Şoyqudan Laçın dəhlizi və Xankəndi ilə bağlı açıqlama

Zəngəzur və Göyçə də Azərbaycana qaytarılır? - Ermənilər panikadadır

Kəlbəcərdə AzTV-nin əməkdaşları ilə erməni keşişlər arasında mübahisə yarandı - Video

“Rusiyanın tör-töküntüsüdür, babası da eyni qələti edirdi” - Sərdar Cəlaloğlu Musabəyovu “yıxıb-sürüdü”

loading...

Ən çox oxunanalar