Çərşənbə axşamı, 24 Noyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Putinin yeni Qarabağ açıqlamaları - Rusiya prezidenti ədalətli mövqe sərgiləyir?...

Putinin problemin həlli ilə bağlı fikirlərini nə qədər ədalətli hesab etmək olar?...

Siyasi şərhçi: “Rusiya həm Azərbaycan, həm də Türkiyənin mövqeyini nəzərə almaq məcburiyyətindədir”.

Azərbaycan ordusu irəlilədikcə və strateji mövqeləri ələ keçirdikcə təbii ki, bu Azərbaycanda, regionda maraqları olan dövlətlərin mövqeyinə təsir edir. O cümlədən də regionda marağı olan Rusiyanın mövqeyinə təsir edir”.

Bu sözləri Azad Demokratlar Partiyasının sədri, siyasi şərhçi Sülhəddin Əkbər Rusiya prezidenti Vladimir Putinin növbəti Qarabağ mövqeyini PİA.az-a şərh edərkən qeyd edib.

Rusiya prezidenti Vladimir Putin dünən bir daha Qarabağ problemi ilə bağlı mövqeyini açıqlayıb. Putin Dağlıq Qarabağ münaqişəsinə toxunarkən münaqişənin tənzimlənməsinin yalnız tərəflərin maraqlarının balanslaşdırılması ilə mümkün olduğunu bildirib. İlkin mərhələdə hərbi əməliyyatların dayandırılması və danışıqlar masasına oturmağın lazım olduğunu söyləyib.

“Hərənin öz həqiqətləri var, burada sadə həll yoxdur, çox çətindir”, - deyən Rusiya prezidenti münaqişənin alovlanmasının ilkin dövrlərində keçmiş sovet rəhbərliyinin insanların təhlükəsizliyini təmin etmək üçün lazımi addımları atmadığını vurğulayıb.

Rusiya prezidenti həmçinin qeyd edib ki, Moskvanın mövqeyi əvvəldən açıq olub: “Biz əvvəldən bu nöqteyi-nəzərdən-Azərbaycana əvvəlcə beş, sonra iki rayonunun qaytarılması,, Qarabağ zonasında müəyyən rejimin təmin edilməsi, Ermənistanla qarşılıqlı əlaqələr, kommunikasiyaların açılması və s. imkanlarından çıxış edirdik, hansı ki, bizim mövqeyimiz tamamilə açıqdır”, deyə Rusiya prezidenti bildirib.

Maraqlıdır ki, Putin münaqişənin həllinə Türkiyənin cəlb olunmasını mümkün hesab edib.

Putinin problemin həlli ilə bağlı fikirlərini ədalətli hesab etmək olar? Həmçinin Putinin Qarabağ probleminin həllində Türkiyənin iştirakına normal yanaşdığı açıqlanıb. Ümumiyyətlə Rusiya-Türkiyə münasibətlərinin hazırkı səviyyəsini necə dəyərləndirmək olar?

Mövzu ilə bağlı PİA.az-ın əməkdaşı Azad Demokratlar Partiyasının sədri, Milli Təhlükəsizlik nazirinin sabiq birinci müavini Sülhəddin Əkbərə müraciət edib.

Sülhəddin Əkbər: “Türkiyə-Rusiya münasibətlərində bir tərəfdən əməkdaşlıq, bir tərəfdən də rəqabət görürük”.

Müharibənin davam edəcəyi halda son nəticənin göz önündə olduğunu vurğulayan Milli Təhlükəsizlik nazirinin sabiq birinci müavini bildirib ki, artıq Rusiya müharibə meydanındakı reallıqları və gerçəklikləri görür:

“Bu tip məsələlərdə ədalətdən danışmaq yerində olmaz. Bu məsələlərdə real politikadan, real gerçəkliklərdən danışmaq daha doğru olar. Azərbaycan ordusu irəlilədikcə və strateji mövqeləri ələ keçirdikcə təbii ki, bu Azərbaycanda, regionda maraqları olan dövlətlərin mövqeyinə təsir edir. O cümlədən də regionda marağı olan Rusiyanın mövqeyinə təsir edir. Artıq Rusiya müharibə meydanındakı reallıqları və gerçəklikləri görür.

Müharibənin davam edəcəyi halda son nəticə göz önündədir. Buna görə də Rusiya həm Azərbaycan, həm də Türkiyənin mövqeyini nəzərə almaq məcburiyyətindədir. Buna da reallıq kimi baxmaq lazımdır.

Sülhəddin Əkbər: “Mümkün olan sahələrdə Rusiya və Türkiyə öz maraqlarını nəzərə alaraq əməkdaşlıq etməyə çalışırlar”.

Rusiya-Türkiyə münasibətlərini hazırkı şəraitdə ikili dəyərləndirirəm. Çünki bir tərəfdən mümkün olan sahələrdə Rusiya və Türkiyə öz maraqlarını nəzərə alaraq əməkdaşlıq etməyə çalışırlar. Bəzi sahələrdə Rusiya-Türkiyə əməkdaşlığı uğurla davam edir. Bir tərəfdən də harada maraqlar toqquşur orada da, rəqabət aparırlar.

Biz Türkiyə-Rusiya münasibətlərində bir tərəfdən əməkdaşlıq, bir tərəfdən də rəqabət görürük. Bu eyni proses Cənubi Qafqazda, konkret olaraq Azərbaycanda müşahidə olunur. Həmçinin münaqişəsinin gedişində də bu prosesi izləyə bilərik”.

Nərminə UMUDLU
pia.az




Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Putin və Makronun qəfil və şübhəli birliyinin arxasındakı plan - Qarabağ gizlinləri

Ordumuz şəhid verdi, bir sülhməramlı, dörd erməni hərbçi yaralandı

Araik Moskvaya qaçdı - Bakıya təhvil verilə bilər

Ramiz Mehdiyevin vəzifədən azad etdiyi Sevil Zülfüqarova: “AMEA-da cinayətləri aşkarladım, işdən qovdular”

Silahsız azərbaycanlıların Xankəndinə gedən yolda görünməsi erməniləri qorxutdu

Korpus komandirinin müavini, polkovnik Babək Səmidli şəhid olub

“Savaş başlayanda Paşinyan dedi ki, Putinə...”- İlginc açıqlama

İlham Əliyev və Mehriban Əliyeva Ağdam şəhərinə gedib - Video, Foto, Yenilənib

loading...

Ən çox oxunanalar