Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Əli Əhmədov erməniləri belə xarakterizə etdi: “Namərdlik, qorxaqlıq,.."

“Erməni terrorçularının vandalizmi sərhəd bilmir, getdikcə daha eybəcər şəkil almaqda davam edir. Gəncənin ardınca istifadəsi qadağan edilmiş xüsusi dağıdıcı gücə malik kassetli bombalarla Bərdənin hücuma məruz qalması, 21 nəfərin həlak olması, 70-ə qədər insanın ağır yaralanması bunun bariz ifadəsidir. Sentyabrın 27-dən bu günə qədər erməni terrorçular və vandalların qətlə yetirdiyi mülki insanların sayı 100-ə yaxınlaşır. Bugünki erməni vandalları ata-babalarından miras qalmış terrorçuluğu, uşaq və qadın qatili olmaq ənənəsini daha qəddarcasına həyata keçirirlər.”

Bu, Azərbaycan Respublikası Baş nazirinin müavini, YAP Sədrinin müavini-İcra katibi Əli Əhmədovun erməni silahlı qüvvələrinin Bərdə şəhərində törətdiyi qanlı terror aksiyası və bu terrorizmə bəzi beynəlxalq təşkilatların və dövlətlərin susqun münasibətindən bəhs edən məqaləsində yer alıb.

“Artıq heç kimə sirr deyil ki, terror Ermənistanın dövlət siyasəti səviyyəsinə yüksəlmişdir. Gəncəyə və Bərdəyə atılan raketlərin istifadəsinə dair sərəncam yalnız ən yüksək səviyyədə verilə bilər. Ermənistanın terrorçu dövlət olduğunu sübuta yetirmək üçün bundan əlavə hər hansı dəlilə ehtiyac yoxdur.”-deyə, qeyd edən Əli Əhmədovun sözlərinə görə erməni terrorçularının vəhşilikləri fonunda münaqişə zonasında dəyərlər savaşının getdiyi əyani şəkildə özünü göstərməkdədir. Doğma torpaqlarını işğaldan azad edən və özünün şərəfli missiyasını döyüş meydanında mərdi-mərdanə yerinə yetirən Azərbaycan əsgərinin qarşısında açıq savaşdan qaçaraq, mülki əhalini raket atəşinə tutan, qadınların və uşaqların qatilinə çevrilən rəzil erməni əsgərinin dayandığını müşahidə etməmək mümkün deyil. Özünü mədəni dövlət kimi təqdim etməyə çalışan Ermənistanın hərbiçilərinin və onlara döyüş əmrini verənlərin dinc əhalini hədəfə alması, onların sahib olduğu həqiqi dəyərlərin mahiyyəti haqqında aydın təsəvvür yaradır. Namərdlik, qorxaqlıq, kəmfürsətlilik, satqınlıq erməni terrorçularına xas olan dəyərlərin heç də tam olmayan siyahısıdır. Bir daha əmin olursan ki, dahi rus şairi A.S.Puşkin erməniləri dillər əzbəri olmuş dəyərləndirməsində nə qədər haqlı imiş.

Erməni vandalizminə və terrorizminə bəzi beynəlxalq təşkilatların və dövlətlərin susqun münasibətinin olduğunu bildirən Əli Əhmədov: “Azərbaycanın dinc əhalisi arasında erməni terrorunun qurbanlarının sayının artmasına baxmayaraq, bir sıra dövlətlərin və beynəlxalq təşkilatların qəribə şəkildə susması da diqqətdən yayınmır. Terrorizmə qarşı mübarizəni az qala öz siyasi platformasının əsas qayəsi hesab edən bir sıra dövlət başçıları və liderləri də nədənsə erməni terroru qarşısında susmağa üstülük verir. Başqa vaxtlar ən adi hadisələrdə “böyük” pozuntular görməyə çalışan xadimlərin və təşkilatların bu cür davranışı erməni terrorizminin gizli şəkildə həvəsləndirilməsindən başqa bir şey deyildir.

Gəncədə və Bərdədə törədilən vəhşi terror aktları erməni vandalizminin iyrənc ifadəsi olmaqla yanaşı, həm də Ermənistan rəhbərliyinin eybəcər hərbi taktikası kimi tətbiq edilir. Döyüş meydanında ağır məğlubiyyətə düçar olan Ermənistanın hərbi siyasi rəhbərliyinin xilas yolunu öz tarixi ənənələrinə uyğun olaraq terrorda görməsi bəlkə də təəccüblü deyil. Erməni siyasətçilərindən ötrü terror məqsədlərinə çatmaq naminə istifadə etdikləri ən “sevimli” mübarizə üsuludur. İndi bu iyrənc vasitədən istifadə etməklə Azərbaycan xalqını vahiməyə salmağa, haqq işi uğrunda apardığı mübarizəsindən döndərməyə çalışırlar. Lakin erməni vandallarının törətdiyi terrorlar nə qədər iyrənc, nə qədər qan donduran olsa da, xalqımızı haqq işindən döndərə bilməz. Əksinə, namərdlərin dinc əhaliyə xain hücumları xalqımızı dövlətin, Ordunun və Ali Baş Komandanın ətrafında daha sıx birləşdirir, mübarizə əzmini daha da artırır. Terrorla Azərbaycan xalqını haqq yolundan döndərmək mümkün deyil.”- deyə, qeyd edib.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Ən çox oxunanalar