Cümə axşamı, 26 Noyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Ceyhun Bayramov ABŞ-da azərbaycanlılarla görüşdü - Foto

Xarici İşlər naziri Ceyhun Bayramov ABŞ-a işgüzar səfərinin sonunda ABŞ-ın Azərbaycan icmasının üzvləri ilə görüş keçirib.

“Report”un xarici müxbiri xəbər verir ki, görüş Azərbaycanın Vaşinqtondakı səfirliyində baş tutub.

Dağlıq Qarabağ münaqişəsinin tarixi, Azərbaycan Silahlı Qüvvələrinin apardığı uğurlu əks hücum əməliyyatları barədə icma nümayəndələrini məlumatlandıran nazir Ermənistan silahlı qüvvələri tərəfindən azərbaycanlı mülki əhalinin, Gəncə, Mingəçevir, Tərtər və digər yaşayış məntəqələrinin hədəf alınması və nəticədə dinc insanlar arasında çoxsaylı itkilərin olması haqqında söz açıb.

Qeyd olunub ki, sülh danışıqları prosesində ciddi irəliləyiş əldə edilməyib və son iki ildə Nikol Paşinyan hökumətinin destruktiv siyasəti nəticəsində danışıqlar kifayət qədər pozulub. Nazir deyib ki, 2019-cu ilin avqust ayında Ermənistanın müdafiə naziri ABŞ-ın erməni icma üzvləri ilə görüşdə “yeni ərazilər üçün yeni müharibə” prinsipini təbliğ edərək, rəsmi Yerevanın təcavüzkar davranışının davam etməsini aydın nümayiş etdirib.

Nazir Ermənistanın beynəlxalq hüquq, o cümlədən beynəlxalq humanitar hüququ kobud şəkildə pozmasını xüsusi vurğulayıb. Diqqətə çatdırıb ki, Ermənistanın işğalçı siyasəti nəinki Azərbaycan, bütün region üçün təhlükədir. Bölgədə davamlı sülhün və rifahın təmin olunması üçün işğal faktının aradan qaldırılması və dövlətlərin beynəlxalq tanınmış sərhədlərinə hörmətin təmin olunmasının vacibliyi vurğulanıb.

C. Bayramov erməni lobbisinin dünyadakı təsir gücündən danışarkən onların yalanlarının qarşısında yalnız güclü Azərbaycan icmasının sipər olacağını bildirib. ABŞ-ın Azərbaycan icmasının Qarabağ həqiqətlərinin yerli ictimaiyyətə çatdırılmasının vacibliyi qeyd olunub.:

“Biz Bakıdan Azərbaycan icmasının birliyini görürük və sizinlə qürur duyuruq. Sadəcə biz deyil, bütün dünya Azərbaycan diasporunun gücünü gördü. Sizin hər biriniz Azərbaycanın xarici ölkələrdə olan səfirlərisiniz və üzərinizə düşən vəzifənizi uğurla icra edirsiniz”.

Nazir icma üzvlərinin informasiya müharibəsində fəallıq göstərdiklərinə görə təşəkkürünü bildirib.

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Kəlbəcərdə böyük müəmma: Qızıl yataqları kimin nəzarətindədir?

Ermənilər Zod qızıl yatağını verməmək üçün saxta sərhəd düzəltdilər

Erməni zabitlərdən şok etiraf: Kəlbəcər tələ idi...

Ermənilər Xankəndinə niyə qayıdır? - Maraqlı açıqlama

Rusiya Qarabağda öz idarəetmə sistemini yaradır - Bu qeyri-rəsmi ilhaqdır, yoxsa zərurət?..

Ermənilər şokda: Özlərinin yandırdığı kənddə yaşayacaqlar - Fotolar

Paşinyandan Rusiya sülhməramlılarıyla bağlı açıqlama

“Rusiya ordunu gücləndirəcək, amma...” - Ermənistanın sabiq baş naziri 

“Liderinin ölümünə hamıdan çox o sevinmişdi…” – Əliyevdən Əli Kərimli haqda şok sözlər

loading...

Ən çox oxunanalar