Bir qrup azərbaycanlı Londonda “Guardian” nəşrinin binası qarşısında aksiya keçirib.
APA-nın Britaniya bürosunun xəbərinə görə, aksiya iştirakçıları əllərində “Guardian, Azərbaycanı da dinlə”, “Guardian, obyektiv ol”, “Guardian, Azərbaycana da söz haqqı ver” kimi şüarlar yazılan plakatlar qaldırıblar.
Daha sonra nəşrə ünvanlanan məktub "Guardian"ın əməkdaşlarından birinə təqdim edilib.
Məktubda “Guardian”da yayımlanan xəbərlərdə ermənilərin tərəfini tutaraq Azərbaycana söz haqqı verilməməsi qınanılıb. Bildirilib ki, Britaniyanın tanınmış nəşrlərindən olan “Guardian” tərəf tutmamalı, Ermənistan ordusunun Azərbaycanın mülki vətəndaşlarını atəşə tutmasına, uşaqların öldürülməsinə səssiz qalmamalıdır.
Fotolar
pia.az