Keçmiş xarici işlər naziri: “ABŞ-ın NATO-dakı səfirinin fikirlərində hardasa səhv var”
“İnanmiram ki, Key Beyli Xotçison ermənilər Azərbaycanın sərhədləri çərçivəsində yaşamamalıdır fikirlərini səsləndirsin”.
Bu sözləri keçmiş xarici işlər naziri Tofiq Zülfüqarov ABŞ-ın NATO-dakı səfirinin Qarabağ haqqında yayılan son fikirlərini PİA.az-a şərh edərkən qeyd edib.
ABŞ-ın NATO-dakı səfir Key Beyli Xotçison bəyan edib ki, ermənilər Azərbaycanın sərhədləri çərçivəsində yaşamamalıdırlar. PİA.az xəbər verir ki, bu barədə politoloq Zaur Məmmədov sosial şəbəkədə məlumat yayıb.
Xəbər hazırlanan vaxt isə xəbər saytlarında səfirin fikirləri yayıldı. Belə ki, ABŞ-ın NATO-dakı səfiri Key Beyli Xatçison virtual mətbuat konfransında jurnalistlərə bildirib ki, Alyans “ABŞ və Rusiyanın etdiyini etməyə, yəni Dağlıq Qarabağda münaqişəni dayandırmağa çalışır.
“Bu problem 30 ildir çürüyür. ABŞ, Rusiya və Fransanın daxil olduğu Minsk Qrupu münaqişəni başlanğıc mərhələyə, yəni Azərbaycanın suveren sərhədlərinə qaytarmaq istəyir, erməni əhali də burada yaşaya bilər. Bunu həll etmək olar və onda münaqişə başa çatacaq”, - deyə o bildirib.
Sabah Vaşinqtonda xarici işlər nazirlərinin görüşü öncəsi ABŞ tərəfindən bu cür fikirlərin səsləndirilməsi nədən xəbər verir?
Mövzunu PİA.az-ın əməkdaşı keçmiş xarici işlər naziri Tofiq Zülfüqarov ilə müzakirə edib.
Tofiq Zülfüqarov: “Təcrübəli diplomat bu cür fikirləri heç vaxt səsləndirə bilməz”.
ABŞ-ın NATO-dakı səfirinin fikirlərində hardasa səhvin olduğunu düşünən keçmiş xarici işlər naziri PİA.az-a açıqlamasında bildirib ki, səfirin fikirləri ya düzgün şərh olunmayıb, ya da başqa nəisə səhv gedib:
“Mən hesab edirəm ki, ABŞ-ın NATO-dakı səfirinin fikirlərində hardasa səhv var. İnanmiram ki, Key Beyli Xotçison ermənilər Azərbaycanın sərhədləri çərçivəsində yaşamamalıdır fikirlərini səsləndirsin.
Qeyd edim ki, səfirin fikirləri ya düzgün şərh olunmayıb, ya da başqa nəysə səhv gedib. Çünki təcrübəli diplomat bu cür fikirləri heç vaxt səsləndirə bilməz”.
Nərminə UMUDLU
pia.az
Digərxəbərlər
Populyar xəbərlər
