“Azərbaycan və Ermənistan liderlərinin görüşündən danışmaq hələlik tezdir. Ona görə ki, erməni tərəfi öz yanaşmalarında destruktivlik yanaşma nümayiş etdirir”.
Virtualaz.org bildirir ki, bunu Azərbaycan XİN başçısı Ceyhun Bayramovun Rusiya paytaxtına səfərinin yekunları ilə bağlı TASS-a müsahibəsində Azərbaycanın Rusiyadakı səfiri Polad Bülbüloğlu deyib.
"Prezidentimiz, hörmətli İlham Əliyevin qeyd etdiyi kimi, belə dəvət alınmayıb. Məncə, vəziyyət hələ yetişməyib. Əks tərəf yanaşmalarında destruktivlik nümayiş etdirir. Ona görə də, indi bu haqda danışmaq tezdir”, - deyə Azərbaycan səfiri Ceyhun Bayramovun Moskvaya səfəri zamanı Azərbaycan və Ermənistan liderlərinin görüşünün müzakirə olunub-olunmaması ilə bağlı suala cavabında bildirib.
Səfir qeyd edib ki, belə bir təşəbbüs göstərilərsə, əlbəttə ki, lazımi şəkildə nəzərdən keçiriləcək və bu barədə ictimaiyyətə məlumat veriləcək.
pia.az