Çərşənbə, 02 Dekabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Fəxrəddin Manafov: “Lazımdırsa,onlarla birlikdə ola bilərəm”

Xalq artisti Fəxrəddin Manafov müsahibə verib.

PİA.az müsahibəni təqdim edir:

- Fəxrəddin müəllim, cəbhə bölgəsində baş verən hadisələri yəqin izləyirsiz. Hansı sözünüz, fikriniz var?

- Bu gün ordumuz Ali Baş Komandanın qarşıya qoyduğu bütün missiyanı yerinə yetirir. Mən əsgərlərimizə səbr, hər şeyə ehtiyatlı və peşəkar yanaşmağı arzu edirəm. Özlərini qorumalıdırlar. Bu gün tarix yazırlar. İnşallah, tez bir zamanda bütün torpaqlarımızı işağlçı ölkədən azad edəcəklər. Onların şücaəti haqqında filmlər çəkiləcək. Qoy bilsinlər ki, bu gün qəhrəmanlıq kürsüsündədilər. Gələcəyin filmlərində qəhərəman kimi, Azərbaycan ordusunun əsgərləri kimi yaddaşa həkk olunacaq, tarixə yazılacaqlar.

Əsgərlərimizlə qürur duyuram, hər birini bağrıma basıram. Əgər lazımdırsa, onların yanına gedə və onlarla birlikdə ola bilərəm. O qədər qürurverici hadisədir, təsəvvür eləmirlər ki, biz onlara nə qədər güvənirik, onlarla necə fəxr edirik.

- Vətən müharibəsində üstünlük, qələbə bizimlədir. Rayonlarımız, kəndlərimiz işğaldan azad edildi. İlk olaraq işğaldan azad olunmuş hansı şəhərimizə getmək istəyərsiniz?

- Bugünün məşhur ifadəsiylə desək, Qarabağ Azərbaycandır! Mən işğaldan azad olunmuş bütün torpaqlarımızı bağrıma basmaq istəyirəm. Qarabağın hər qarışı Azərbaycan torpağıdır. Onun hər qarışına ayağıyalın gedərdim, torpaqlarımızı bağrıma basardım.

Mən Xankəndində dünyaya gəlmişəm. Əlbəttə, bütün şəhər və regionlarımızı eyni şəkildə sevirəm. Heç bir şəhərimizi bir-birindən ayıra bilmərəm. Baxmayaraq ki, özüm Xankəndində doğulmuşam. Mənim anamın bir sözü vardı, deyirdi ki, barmaqların hamısı eyni boyda deyil, amma hansını kəssən, ağrısı eynidir.

Qarabağın hər qarışı bizimdir. Yüz faiz əminəm ki, işğal altında olan bütün torpaqlarımız azad olunacaq. Nəhayət, biz o günü görəcəyik. Allah bizim ordumuza yar olsun. Ali Baş Komandamızı, prezidentimizi Allah qorusun!

- Qardaş Türkiyənin Azərəbaycana mənəvi dəstəyini necə qiymətləndirirsiniz?

- Türkiyə olmasaydı, biz tək qalardıq. 83 milyonluq Türkiyə mənəvi və informasiya tərəfdən bizə çox dəstək göstərir. Orada mənim çoxlu dost-tanışlarım var. Azərbaycana belə münasibət bizi çox sevindirir. Türkiyə mediası bizə böyük kömək edir, hadisələri bütün dünyaya çatdırırlar. Türkiyə mediası çox güclüdür. Hətta ermənilər Gəncəni atəşə tutanda gecəylə bizim media ilə birlikdə hadisə yerinə gəldilər, faciəni bütün dünyaya çatdırdılar.

- Ümumiyyətlə, izlədiyiniz xarici kanallarda Azərbaycana qarşı adekvat mövqe görürsüzmü?

- Rusiya kanallarına baxıram, çox vaxt yalnız əsəbiləşirəm. Biz Vətənimizi qoruyuruq. Öz torpaqlarımızı işğaldan azad edirik. Biz heç kimin torpağına, dövlətinə göz tikməmişik. Baxmayaraq ki, onlar bizim qədim torpaqlarımızda yaşayırlar.

- Xankəndinə gedərkən ilk olaraq nə etməyi düşünürsünüz?

- İnşallah, gedəndə nə edəcəyimi planlaşdıracam. Yalnız onda biləcəm ki, nə etmək lazımdır... Qabaqcadan bunu demək mümkün deyil. Amma onu bilirəm ki, sevincimin həddi-hüdudu olmayacaq.

Hazırda bir gözümüz ağlıyır, bir gözümüz gülür. Göz yaşlarımız sevincdən gəlsin. Allah bizim Ali Baş Komandamız İlham Əliyevi, vitse-prezident Mehriban Əliyevanı, ordumuzu, generallarımızı, əsgərlərimizi, Azərbaycana dəstək olan ölkələri, Türkiyəni, Pakistanı qorusun. Allah hamısına yar olsun! Biz haqq yolundayıq və haqq yolu Allah tərəfindən həmişə qorunur. Biz artıq 90-cı illərdə deyilik.

Təkrar edirəm, bu bizim haqq yolumuzdur. Azərbaycan qələbə çalacaq. Qarabağ Azərbaycandır! Qarabağın hər qarış torpağı Azərbaycanındır.

Hər gecə saat 4-ə, 5-ə qədər televiziya qarşısında oturub, ölkəmizlə bağlı baş verən hadisələri izləyirəm. Bütün media işçilərinə təşəkkür edirəm, bağrıma basıram. Biz Vətən müharibəsindəyik və torpaqlarımızı azad edirik. Tarixi bir zamanda yaşayırıq. Bu gün Azərbaycan tarixinə qızılı hərflərlə yazılacaq.(Teleqraf)

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

“Qarabağ ermənilərinin kütləvi dönüşü olmazsa...“ - Jirayr Liparityan

Liparityan: “İlham Əliyevlə 3 saat söhbət etdik, ən xırda detalları bilirdi”

Qazaxın işğal olunmuş 7 kəndi ilə bağlı açıqlama

Azərbaycanda Qələbə paradı keçiriləcək - Vaxtı açıqlandı

Türkiyə və Rusiya Qarabağla bağlı anlaşdı - Türklər gəlir...

Bir qrup hərbi qulluqçu səfərbərlik üzrə hərbi xidmətdən tərxis ediləcək - Sərəncam

Şəhid ailələri və qazilərə veriləcək təqaüdlərin məbləği bilindi - Rəsmi

Pentaqondan Azərbaycan ordusunun Qarabağ döyüşü təcrübəsini öyrənmək üçün daha bir qərar

Ofşor şirkətindən ödəmə və Əhməd Əhmədzadənin oğluna məxsus milyonluq mülk

Ermənistan Tehranın təklif etdiyi planı qəbul etmədi, Azərbaycan isə... – İran səfiri

İtkin düşmüş hesab olunan hərbi qulluqçularımızın taleyi ilə bağlı rəsmi açıqlama

loading...

Ən çox oxunanalar