Azərbaycanın “Facebook”dakı ən böyük kulinariya qrupu olan “Azeri Home Chef”in qurucusu Fəxrəndə Həsənzadə Azərbaycandakı müsəlmanlar və xristianlar arasındakı münasibət haqqında növbəti erməni saxtakarlığına reaksiya verib.
O paylaşımında xristianların ölkəmizdə çətinlik içində yaşadıqları ilə bağlı ermənilərin çirkin yalanına qarşı qəzəbini dilə gətirib.
F.Həsənzadə Bakıda “Arxangel Mixail” kilsəsinin keşişləri və ziyarətçilərinin əsgərlərimiz üçün bişirdikləri Azərbaycan şirniyyatı olan qoğal dolu qutuların fotolarını paylaşıb.
“Azərbaycanda 14 pravoslav kilsəsinin olduğunu bilirdinmi? Bütün xalqların, millətlərin, xristianların, yəhudilərin, katoliklərin, krişnaların və digərlərinin burada sülh və razılıq şəraitində yaşadığını bilirdinmi?!”, - deyə o, ermənilərə müraciət edərək, bütün dünyanı onların yalan sözlərinə inanmamağa və bunu öz gözləri ilə görmək üçün Azərbaycana gəlməyə çağırıb.(oxu.az)
pia.az