“Hərbi üstünlük qazandıq, söhbət tək ərazilərimizin bir qisminin azad edilməsindən getmir, həm də psixoloji üstünlükdən gedir, düşmən ölkə anladı ki, Qarabağı unutmamışıq, vuruşa bilirik, bu günün Azərbaycanı 90-ların vəziyyətində deyil”.
PİA.az xəbər verir ki, bunu iqtisadçı-ekspert Natiq Cəfərli Azərbaycan-Ermənistan arasında Qarabağ uğrunda gedən döyüşlərin ilkin nəticələrini şərh edərkən deyib. Onun sözlərinə görə, artıq beynəlxalq ictimayyət də ayıldı. Qarabağ məsələsini unutdurmağa çalışırdılar, anladılar ki, unutmamışıq:
“Xalq olaraq özgüvən yarandı, əziklik və məğlubiyyət sindromu canımızdan çıxmalıdır. Ermənistan anladı ki, danışıq oyunları bitdi, indi qərar verməlidirlər. Ya müstəqil ölkə olub axmaq iddialarından əl çəkəcəklər, ya da əl buyruqçusu olaraq maşa kimi işlədiləcəklər, amma yenə də torpaq qazana bilməyəcəklər, sonda həm işğal etdikləri torpaqları, həm də gələcəklərini itirəcəklər. Qarabağda yaşayan erməni əsilli azərbaycanlılar (azərbaycanlı vətəndaşlıq tanımıdır, etnik mənsubiyyət deyil) da qərar verməlidirlər, ya Azərbaycanın vətəndaşılığını qəbul edib gələcəkdə rifah içində yaşayacaqlar, ya da öz axmaq siyasətçilərinin əlində oyuncaq olmaqda davam edərək fiziki mövcudiyyət problemi ilə üzləşəcəklər”.(Yenisabah.az)
pia.az
Digərxəbərlər
Populyar xəbərlər
