Azərbaycan Respublikasının ərazisində elan edilmiş hərbi vəziyyətlə əlaqədar tətbiq edilən komendant saatı müddətində elektron imzadan istifadə edilməklə əməkdaşlarının “icaze.e- gov.az” portalından qeydiyyatdan keçməklə hərəkətinə icazə veriləcək dövlət orqanlarının rəhbərlərinin və onların müavinlərinin hərəkətinə xidməti vəsiqə ilə icazə veriləcək.
PİA.az-ın məlumatına görə, bu, Nazirlər Kabinetinin “Azərbaycan Respublikasının ərazisində elan edilmiş hərbi vəziyyətlə əlaqədar bəzi məsələlərin tənzimlənməsi barədə” qərarında əksini tapıb.
Qərara əsasən, aşağıdakı qurumların rəhbərləri və onların müavinləri xidməti vəsiqə ilə hərəkət edə biləcək:
1. Azərbaycan Respublikasının Nəqliyyat, Rabitə və Yüksək Texnologiyalar Nazirliyi
2. Azərbaycan Respublikasının Əmək və Əhalinin Sosial Müdafiəsi Nazirliyi
3. Azərbaycan Respublikasının İqtisadiyyat Nazirliyi
4. Azərbaycan Respublikasının Maliyyə Nazirliyi
5. Azərbaycan Respublikasının Müdafiə Sənayesi Nazirliyi
6. Azərbaycan Respublikasının Energetika Nazirliyi
7. Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsi
8. Azərbaycan Respublikasının Diasporla İş üzrə Dövlət Komitəsi
9. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi
10. Azərbaycan Respublikasının Qida Təhlükəsizliyi Agentliyi
11. Azərbaycan Dövlət İnformasiya Agentliyi (AzərTAc)
12. Azərbaycan Respublikasının Mərkəzi Bankı, dövlətə məxsus banklar
13. “İçərişəhər” Dövlət Tarix-Memarlıq Qoruğu İdarəsi (mühafizə və qəza xidməti)
14. Azərbaycan Respublikasının Dənizkənarı Bulvar İdarəsi (mühafizə və qəza xidməti)
15. Azərbaycan Respublikasının Dövlət Neft Şirkəti (SOCAR)
16. “Azərkosmos” Açıq Səhmdar Cəmiyyəti
17. Azərbaycan Meliorasiya və Su Təsərrüfatı Açıq Səhmdar Cəmiyyəti
18. “AzerGold” Qapalı Səhmdar Cəmiyyəti
19. “Azərbaycan Sənaye Korporasiyası” Açıq Səhmdar Cəmiyyəti 20. “Azərişıq” Açıq Səhmdar Cəmiyyəti
21. “Azərsu” Açıq Səhmdar Cəmiyyəti
22. “Azəriqaz” İstehsalat Birliyi
23. “Azərenerji” Açıq Səhmdar Cəmiyyəti
24. “Azəristiliktəchizat” Açıq Səhmdar Cəmiyyəti
25. “Azərbaycan Xəzər Dəniz Gəmiçiliyi” Qapalı Səhmdar Cəmiyyəti 26. “Azərbaycan Dəmir Yolları” Qapalı Səhmdar Cəmiyyəti
27. “Azərbaycan Hava Yolları” Qapalı Səhmdar Cəmiyyəti 28. “Bakı Metropoliteni” Qapalı Səhmdar Cəmiyyəti
29. Bakı Nəqliyyat Agentliyi
30. Dövlət Dəniz Agentliyi
31. Dövlət Avtomobil Nəqliyyatı Xidməti
32. Dövlət Mülki Aviasiya Agentliyi
33. “Bakı Beynəlxalq Dəniz Ticarət Limanı” Qapalı Səhmdar Cəmiyyəti
34. Azərbaycan Milli Elmlər Akademiyası nəzdində Respublika Seysmoloji Xidmət Mərkəzi
35. Azərbaycan Avtomobil Yolları Dövlət Agentliyi
36. Yerli icra hakimiyyəti orqanları
37. “Gəncə Avtomobil Zavodu” İstehsalat Birliyi.
Qeyd edək ki, bu qurumların digər əməkdaşlarının hərəkətinə “icaze.e- gov.az” portalından qeydiyyatdan keçməklə icazə veriləcək.
Xatırladaq ki, Azərbaycan Respublikası Prezidentinin “Hərbi vəziyyət elan edilməsi haqqında” 27 sentyabr 2020-ci il tarixli fərmanına əsasən, 2020-ci il 28 sentyabr saat 00:00-dan Azərbaycan Respublikasının bütün ərazisində hərbi vəziyyət elan edilib. Bakı, Gəncə, Sumqayıt, Yevlax, Mingəçevir, Naftalan şəhərlərində, Abşeron, Cəbrayıl, Füzuli, Ağcabədi, Beyləqan, Ağdam, Bərdə, Tərtər, Goranboy, Göygöl, Daşkəsən, Gədəbəy, Tovuz, Şəmkir, Qazax və Ağstafa rayonlarında hərbi vəziyyət dövründə saat 21:00-dan saat 06:00-dək komendant saatı tətbiq edilir.
pia.az