“Bu gün baş verənlər Azərbaycanın müstəqillik tarixində ilk Böyük Vətən Müharibəsidir və hər birimiz bacardığımızı etməliyik. Hamımız elan olunan qanunlara riayyət etməli və Ordumuza dəstək olmalıyıq”.
Bu sözləri tanınmış hüquqşünas Aslan İsmayılov deyib. O əlavə edib ki, bu gün ön cəbhədə döyüşən əsgər və zabitlər üçün görüləcək ən böyük iş onlara, ailələrinə dəstək, ruh yüksəkliyi vermək və təyin olunan qayda-qanunlara riayət etməkdir.
“Müharibənin ikinci günü artıq Ordumuz gücünü göstərdi. Erməni mətbuatını və sosial şəbəkəsini izləyənlər görərlər ki, düşmənin keçilməz "Ohonyan səddi" adlandırdıqları ön cəbhələri yarıldı, canlı qüvvəsi və texnikası darmadağın edildi. Ermənistanı Dağlıq Qarabağla birləşdirən iki yoldan biri - Kəlbəcər yolu bağlandı.
Ən vacibi də odur ki, azad olunan kəndlərdən başqa ən mühüm yüksəkliklər ələ keçirildi və Ordumuzun tam nəzarətindədir. Düşmən panikadadır və bu panika yaxın saatlarda, günlərdə bütün Ermənistanı bürüyəcək. Onsuz da parçalanmış ermənilər bir-birini qıracaq”, - deyə hüquqşünas vurğulayıb.
Aslan İsmayılov bildirib ki, bu gün ən ağır yük ölkə Prezidenti, Ali Baş Komandan İlham Əliyevin və komandasının üzərindədir: “Ermənilər diasporanın vay-şüvənliyi ilə bütün dünyaya yalvarırlar ki, döyüş dayansın. Tək bu gün Fransa, Rusiya ali dövlət rəhbərlərinin Azərbaycan Prezidentinə müraciətləri ermənilərin hansı sarsılmış halda olduqlarının göstəricisidir. Dünənə qədər Azərbaycana, onun Prezidentinə alov püskürənlər bu gün dizi üstə yalvarırlar.
Əminəm ki, Xalqın tam dəstəyini görən Azərbaycan Respublikası Prezidenti müharibəni bütün torpaqlarımız azad olunana, erməni dığaları öz deşiklərinə girənə qədər davam etdirəcək! Milli Birlik zamanıdır! QARABAĞ AZƏRBAYCANDIR!
Bu yolda hamımıza, ilk növbədə Şanlı Ordumuza uğurlar arzulayıram!”
pia.az
Digərxəbərlər
Populyar xəbərlər
