Cümə, 30 Oktyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

PKK-nın diversiya dəstələri Azərbaycan ordusuna hücuma hazırlaşır

Xəbər verildiyi kimi, Ermənistan Türkiyənin Azərbaycana hərbi dəstəyinə cavab olaraq PKK kürd terror qruplaşması ilə işbirliyinə başlayıb və iyul ayında Tovuz istiqamətində baş vermiş toqquşmaların ardınca PKK yaraqlılarını Qarabağa daşımağa başlayıb. Bundan əvvəl virtualaz.org mötəbər qaynaqlara istinadən (https://virtualaz.org/aktual/169255) Ermənistanın İraqdakı səfiri Qraçya Poladyanın Süleymaniyyədə apardığı danışıqlar və  PKK yaraqlılarının Qarabağa daşınması marşrutu barədə sensasion məlumatları dərc etmişdi. İndi isə bu haqda Misirin cairo24.com portalı yeni sensasion təfərrüatları yayıb.

Nəşr yazır ki, Ermənistanla Azərbaycan arasında iyul ayına baş vermş toqquşmalardan sonra PKK yaraqlılarının Ermənistan ordusunun sıralarına inteqrasiya edilməsi əməliyyatı fəallaşıb. PKK-nın bir qrup yaraqlısı və komandirləri İraqSuriyadan tranzit keçməklə Ermənistan ərazisinə atılıb. Ermənistana gətirilən PKK yaraqlılarının birinci qrupu 25 nəfərdən ibarətdir. Onlar Türkiyə ərazisindən İraqa gediblər və PKK-nın əməliyyat mərkəzi olan Qəndil düşərgəsində təlim keçiblər.

Bildirilir ki, həmin qrup hərbi hazırlıq keçmək və diversiya əməliyyatlarının aparılması üzrə ixtisaslaşıb. Qrup iyul ayında əvvəlcə İranın Urmiyə şəhərinə aparılıb, orada İnqilab Keşikçiləri Korpusunun “Əl-Qüds” xüsusi təyinatlı qüvvələrinin “Həmzə” batalyonunun qərargahında (qərargah Colh rayonunda yerləşir) bir neçə gün qalıblar və daha sonra Ermənistana keçiblər. Bundan əlavə, hazırda İranSuriya ərazisində Ermənistana keçmək üçün gözləyən daha iki PKK qrupu var.

Birinci qrup PKK-nın Suriya qolu olan YPG-nin 250 yaraqlısından ibarətdir. Həmin qrup Suriyanın şimalındakı Qamışlı rayonundadır.  Qrupun İraq ərazisində hərəkəti və daha sonra İrana keçirilməsi ilə Tehrana loyal olan “Bədr” təşkilatı məşğuldur. Plana əsasən birinci mərhələdə və sentyabrın əvvəllərində həmin qrupdan 165 nəfər İranın İlam əyalətindəki sərhəd-keçid məntəqəsindən bu ölkəyə daxil olub və Mehran şəhərində yerləşib. Ertəsi gün qrup oradan Urmiyəyə yola düşüb və yaxın günlərdə Ermənistana keçməyə hazırlaşır.

Məlumata əsasən həmin qrup hücum əməliyyatlarının keçirilməsi üzrə ixtisaslaşıb, bu da erməni ordusunun Azərbaycan ordusunun mövqelərinə diversiya və terrorçu metodlardan istifadə etməklə hücuma keçməyə hazırlaşdığını göstərir.

İkinci qrup isə Ərbildən cənubda, PKK-nın Mahmur bazasında yerləşir və 25 nəfərdən ibarətdir. Bu dəstə partizan müharibəsi aparmaq təcrübəsi olan yaraqlılardan təşkil olunub. Qrup bu ilin avqust ayında iki avtobusla “Hizbullah”ın İraq qolu olan “Hərəkat əl-Nucaba” qruplaşmasının qərargahına, Bağdadın Sədr-siti rayonuna aparılıb. Sentyabrın əvvəllərində isə qrup İlam əyalətindən keçirilməklə İrana atılıb, həmin qrupdan 17 nəfər daha sonra Kirmanşaha göndərilib. Qalan 8-i İlam şəhərində qalıb. 17 nəfərlik qrup Kirmanşahda bir neçə gün qaldıqdan sonra Ermənistana keçmək üçün Urmiyəyə aparılıb. 8 PKK yaraqlısı isə Tehrana gedib, oradan təyyarə ilə Yerevana uçub.

İraqdan İrana keçmək üçün isə PKK yaraqlıları İranın Mandaziya, Pərvizxan və Xanacini qəsəbələrindən tranzit  məntəqəsi kimi istifadə edirlər.

Kürd yaraqlıları Ermənistan ordusunun sıralarına qoşulur. Habelə məlumat var ki, erməni tərəfi PKK yaraqlılarının Azərbaycana qarşı əməliyyatlarda istifadə olunmasının əvəzində Türkiyənin pilotsuz təyyarələri ilə mübarizə aparmaq üçün bu terror təşkilatına Rusiya istehsalı olan raket kompleksləri verməyə razılaşıb. Bu raket komplekslərinin çatdırılmasını PKK-nın Qəndildəki komandiri Cəmil Bayık koordinasiya edir, gözlənilir ki, tezliklə raketlər Qəndilə göndəriləcək. (virtualaz.org)

pia.az


Etiket:

Şərh yazın.


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Erməni milyonçunun Nikol Paşinyana məktubu Ermənistanı silkələdi 

“Ermənistandan həyəcanlı siqnallar gəlir...”

General Karapetyan: “Döyüşlər Şuşa altında gedir, köməyə gəlin, yoxsa Ermənistana qoşunla gələcəyik...”

Xankəndinin yaşayış yerlərində raket qurğuları gizlədilib — Litvalı jurnalist

Prezident Naxçıvanın bu ərazisi ilə bağlı qanuna dəyişiklik etdi

Dünən Bərdə əhalisnə qarşı törədilmiş vəhşilikdəki rus izi

"Azərbaycan Ordusu Şuşanın yaxınlığındadır" - Qarabağ separatçılarının lideri

Cəbhəyə gələn erməni qadınlarının niyyəti nədir? - Foto

MN: "Döyüşlər Xocavənd, Füzuli və Qubadlı istiqamətlərində davam edib"

Putin: “Azərbaycan deyir ki, əzəli torpağı olan 7 rayonu qaytarmaq hüququ var”

loading...

Ən çox oxunanalar