Milli Məclisin növbədənkənar sessiyası işini yekunlaşdırıb.
PİA.az xəbər verir ki, spiker Sahibə Qafarovanın sədrliyi ilə keçirilən növbədənkənar sessiyanın sonuncu plenar iclasında 6 məsələ müzakirə olunub.
“Biz 3 gün ərzində səmərəli işlədik”, - S.Qafarova deyib. Onun sözlərinə görə, növbədənkənar sessiya çərçivəsində 6 qanun qəbul edilib.
İclas Azərbaycanın Respublikasının Dövlət Himninin səsləndirilməsi ilə başa çatıb.
Parlamentin növbədənkənar sessiyası çərçivəsində 3 plenar iclas keçirilib. Milli Məclisin növbədənkənar sessiyasının plenar iclasları avqustun 5, 6 və 7-də keçirilib.
***
Bu gün Milli Məclisin növbədənkənar sessiyasının sonuncu plenar iclası keçiriləcək.
PİA.az xəbər verir ki, bugünkü toplantının gündəliyinə 6 məsələ daxil edilib.
İclasda “Azərbaycan Respublikasının 2020-ci il dövlət büdcəsi haqqında”, “Sosial təminatı və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi haqqında”, “İşsizlikdən sığorta fondunun 2020-ci il büdcəsi haqqında”, “Məşğulluq haqqında”, “İşsizlikdən sığorta haqqında” qanunlara və İnzibati Xətalar Məcəlləsinə dəyişiklik edilməsi ilə bağlı qanun layihələri üçüncü (sonuncu) oxunuşda müzakirəyə çıxarılacaq. Bununla da parlamentin növbədənkənar sessiyası başa çatacaq.
Qeyd edək ki, Milli Məclisin Sədri Sahibə Qafarova iyulun 31-də parlamentin növbədənkənar sessiyasının çağrılması ilə bağlı sərəncam imzalayıb. Avqustun 4-də başlayan növbədənkənar sessiya çərçivəsində qanunverici orqanın iki iclası (avqustun 5-i və 6-da) keçirilib.(report)
pia.az