İctimai Siyasi Proseslər və Beynəlxalq Araşdırmalar Mərkəzinin rəhbəri Samir Adıgözəlli Fövqəladə Hallar Nazirliyinin əməkdaşı tərəfindən təhdid edildiyini iddia edir...
Pravda.az-ın xəbərinə görə, S.Adıgözəlli bununla bağlı nazir Kəmaləddin Heydərova müraciət ünvanlayıb.
Müraciətdə deyilir:
Hörmətli nazir!
Nəzərinizə çatdırmaq istəyirəm ki, sizin rəhbəri olduğunuz qurum barədə sosial şəbəkədə yazdığım tənqidi statusun altında nazirliyinizin Sahib Tarverdiyev adlı əməkdaşı məni ən kobud küçə söyüşləri ilə təhqir edib və sonra öldürüb, məhv edəcəyi ilə hədələyib. Araşdırdıqdan sonra məlub olub ki, Sahib Tarverdiyev rəhbəri olduğunuz qurumun Kadrlar idarəsinin əməkdaşıdır.
Cənab Prezident öz çıxışlarında medianın fəaliyyətinə böyük önəm verdiyini dəfələrlə bəyan edib. Jurnalistlərdən, vətəndaş cəmiyyətindən ictimai nəzarətin formalaşmasında fəal olmağı tələb edib. Bu o anlama gəlir ki, bizim sağlam tənqidlərimizi ölkə rəhbərliyi də təqdir edir. Belə olan təqdirdə, sizin əməkdaşlara kim bu haqqı verib ki, jurnalisti təhqir və təhdid etsinlər? Xahiş edirəm ki, əməkdaşınız Sahib Tarverdiyevlə bağlı ciddi tədbir görəsiniz. Əks təqdirdə, hüquqlarımın qorunması üçün hüquq-mühafizə və məhkəmə orqanlarına şikayət edəcəm".
Qarşı tərəfin də mövqeyini dərc etməyə hazırıq.
pia.az
Digərxəbərlər
Populyar xəbərlər
