Bakıda günlərlə parkda ac-susuz qalan qız uşağı tapılıb. Məlum olub ki, o, valideynləri tərəfindən atılıb. Polis 9 yaşlı qızcığazı uşaq sığınacağına yerləşdirib. Hazırda onun valideyinləri axtarılır...
Cəmi 9 yaşı var. Amma başına gələnlər, çəkdiyi yük 9 illik ömründən daha böyük, daha dərindir. Anasının ona verdiyi zülmlərə, əziyyətlərə baxamayaraq balaca ürəyi hələ də anası ilə daha möhkəm döyünür.
Bu balaca qızçığaz küçədən polis tərəfindəm ac yalavac, baxımsız halda tapılaraq paytaxtdakı uşaq sığınacağına yerləşdirilib. Qızcığazın sözlərinə görə onun küçədə qalmasına anası səbəb olub. O, uşağı aldadaraq, küçədə tək qoyub gedib.
Səmanın sözlərinə görə, anası içki aludəçisi olub. Onun pis vərdişlərini qarşılamaq üçün qızcığaz dilənməyə belə vadar edilib.
Səmanın yerləşdirildiyi Azərbaycan uşaqlar birliyinin sığınacağının rəhbəri Kəmalə Agazadənin sözlərinə görə,hazırda uşaq müayinə olunur və anasının axtarılması istiqamətində işlər aparılır.
Kəmalə Ağazadənin sözlərinə görə, onlarda uşağın anası ilə küçədə qaldığı zaman çəkilən videosu da var. Videoda ana iran vətəndaşı ilə ailə həyatı qurduğunu deyir. 3 aydan çoxdur ki, paytaxta gəldiyini, işləməyə yeri olmadığı üçün qızı ilə birlikdə küçələrdə yatdığını bildirir.
pia.az