Bəxtiyaridən şok Qasım Süleymani iddiası...
2019-cu ilin noybar ayında keçirilmiş etiraz aksiyalarında İran polisi tərəfindən başından güllələnərək qətlə yetirilən Puya Bəxtiyarinin atası Mənüçöhr Bəxtiyari general Qasım Süleymaninin anım mərasimində iştirakını əks etdirən videolara münasibət bildirib.
O, özünün və qardaşının təhdid edilərək, həmin mərasimdə iştiraka məcbur edildiyini deyib.
Mənüçöhr Bəxtiyari oğlunun yerə tökülmüş beyni üçün ədalət istədiyini deyib və artıq İrandakı dini rejimə müxalifətdə dayandığını bildirib.
O, Qasım Süleymanini minlərlə qadın və uşağı qətlə yetirən, habelə milyonlarla insanın öz yurdundan didərgin düşməsinə səbəb olan dini rejimin qoçusu və muzduru adlandırıb.
Son günlərdə sosial şəbəkədə yayılan videolarda SEPAH-ın “Qüds” briqadasının ABŞ tərəfindən qətlə yetirilmiş komandanı Qasım Süleymaninin anım mərasiminə qatılan Mənüçöhr Bəxtiyarinin onu tərifləməsi əks olunub. Bu, sosial şəbəkələrdə müzakirələrə səbəb olub. (Teleqraf)
pia.az
Digərxəbərlər
Populyar xəbərlər
