DİM Naxçıvanda imtahan keçirmək üçün xüsusi təyyarə sifariş verib

PİA.az bildirir ki, bunu Dövlət İmtahan Mərkəzi (DİM) Direktorlar Şurasının sədri Məleykə Abbaszadə keçirdiyi onlayn brifinqdə deyib.

O xatırladıb ki, hazırda Naxçıvana gediş-gəliş məhdudur: “Heyəti ora göndərmək üçün xüsusi təyyarə sifariş vermişik. Bu məsələ həll olan kimi orada da buraxılış imtahanlarını keçirəcəyik”.

M.Abbaszadə onu da bildirib ki, bu il ali məktəblərə sənəd verənlərin sayı kəskin artıb.

Onun sözlərinə görə, bu il 8 min daha çox sənəd verilib: “Bu il təxminən 80 min nəfər məzunun 67 mini ali və orta ixtisas məktəbinə sənəd verib. Ötən il əvvəlki illərin məzunlarının sayı 16 min nəfər idisə, bu il onların sayı 24 528 nəfərdir”.

pia.az