AXCP-dən Müsavata ağır təhqirlər: “Onların dədəsinə də söysən...” - Video
“Mən hələ görməmişdim ki, müsavatçılar hardasa komanda şəklində iştirak etsinlər. Amma bu dəfə ləyaqətsizcəsinə, həyasızcasına iştirak etdilər. Bugünədək onların dədəsinə də, sədrlərinə də söysən, komanda şəklində gəlib cavab verməyiblər. Bizim uşaqlar Arif Hacılı, İsa Qəmbər haqqında da yazılar yazıb. Lakin heç birində onlar özlərini komanda kimi müdafiə etməyiblər. Belə bir şey görülməmişdi. Bu, sırf komanda idi. Hamısını dabandaşı Mustafa gətirmişdi”.
Yenisabah.az xəbər verir ki, bunu AXCP-nin üzvü Məmməd İbrahim partiyanın Rəyasət Heyətinin ötən günkü onlayn iclasında deyib.
Sosial şəbəkələrdə iclasın videosu yayılıb. Toplantıda bir sıra müxalifətçilərə qarşı ağır təhqirlər yer alıb. M. İbrahim çıxışını belə davam edib:
“Komanda verilmişdi və gəlib Aydın Can kimi şərəfsiz adamın statusunun altında çaqqal kimi ulaşırdılar. Çox biabrçı, şərəfsiz sözlər yazmışdılar.
Adam baxıb cavab da vermək istəmir. Mən adi cümləmizi də onlara deməyə rəva bilmirəm. Özü də İqbalı tərifləyən statusda bunu etdilər. İqbal da bunları söyür. Elə birbaşa İqbal Ağazadə Aydın Cana o yazını yazdırmışdı. Onlara da komanda verilmişdi ki, gedin dəstəkləyin.
İndi onları bəlkə də öz sədrləri, Mustafa Hacıbəyli yığıb gətirib. Hardasa nəsə olacaq. Onlar gördülər ki, məqamdı və düşündülər ki, bütün hamı üstümüzə gəlir, vurmağın tam vaxtıdır. Müsavat elə bildi ki, yenə dirilib qabağa keçəcək. Əslində, belə hadisələr təkrarlanacaq. Hardasa nəsə yazılsa, yenə onlar iştirak edəcək”-deyə, Məmməd İbrahim əlavə edib.
pia.az