Təbriz Tibb Universitetinin rektoru doktor Məhəmməd Hüseyn Somi Şərqi Azərbaycan vilayətində əhalinin təqribən 18 faizinin Covid-19 virusunu daşıdığını bildirib...
Tibb Universiteti və Səhiyyə xidmətinin rəhbəri həyata keçirilən testlərin nəticələrinə əsaslanaraq deyib ki, vilayətdə hər 100 nəfərdən 18-i bu virusa yoluxub.
Doktor Sominin sözlərinə görə, may ayının 28-ə qədər Şərqi Azərbaycan vilayətində testdən keçirilənlərin 8820 nəfərində Covid-19 infeksiyası aşkarlanıb:
“Daha əvvəl hər gün koronavirus səbəbindən 150-180 nəfər xəstəxanaya yerləşdirilirdi. Keçən 24 saatda isə vilayətlərin xəstəxanalarına yerləşdirilənlərin sayı 80 nəfər olub. Ölənlərin sayı da azalıb. Hazırda ölənlərin sayı hər gün ortalama 3 nəfərdir”.
Doktor Somi, həmçinin deyib ki, əhali və iş yeri sahibləri yoluxmaların hələ davam etdiyini bilməli, fərdi gigiyena və sosial məsafə qaydalarına əməl etməlidirlər.(musavat.com)
pia.az