Ağdam rayon vergilər şöbəsinin direktoru Valeh Qasımovun cinayət işi üzrə məhkəmə iclası davam etdirilir...
Musavat.com xəbər verir ki, məhkəmə iclası Gəncə Ağır Cinayətlər Məhkəməsində hakim Nural Əliyevin icraatındadır.
Məhkəmə prosesinin gedişatında V.Qasımov özünü qismən təqsirli bilib və əməlindən peşman olduğunu deyib.
Qeyd edək ki, Vergilər Nazirliyindən bir sıra Ərazi Vergilər İdarələrinin 2015-2018-ci illəri əhatə edən dövr üzrə fəaliyyətlərinin yoxlanılması zamanı aşkar edilmiş qanun pozuntularına dair Baş Prokurorluğa daxil olmuş materiallar Baş prokuror yanında Korrupsiyaya qarşı Mübarizə Baş İdarəsində araşdırılıb.
Araşdırmalar nəticəsində müəyyən edilib ki, Ağdam rayon Vergilər şöbəsinin direktoru Valeh Qasımov vəzifə səlahiyyətlərindən sui-istifadə edərək, Maliyyə idarəsindən daxil olmuş ödəniş sənədlərini (qəbzləri) saxtalaşdıraraq faktiki olaraq ödəniş olmadığı halda ayrı-ayrı vergi ödəyicilərinin şəxsi hesab vərəqələrinə, ümumilikdə, 412 min manat vəsait qeyd etməklə onlardan nağd şəkildə alıb mənimsəməsinə əsaslı şübhələr olduğundan məsuliyyətə cəlb edilib.
Sabiq direktora qarşı Cinayət Məcəlləsinin 179.3.2-ci (külli miqdarda mənimsəmə və ya israf etmə) 308.2-ci (Vəzifə səlahiyyətlərindən sui-istifadə ağır nəticələrə səbəb olduqda), 313-cü (Vəzifə saxtakalığı) maddələri ilə ittiham irəli sürülüb.
pia.az
Digərxəbərlər
Populyar xəbərlər
