Ermənistan mediası: Azərbaycan batalyon komandirinin maşınını vurdu

Virtualaz.org bildirir ki, bu barədə “Qraparak” qəzeti yazıb.

"Bir gün əvvəl, Azərbaycan tərəfdən atılan atəş nəticəsində Ermənistan hərbi hissələrindən birinin batalyon komandirinin" Nissan Patriot "markalı avtomobili yanıb", - deyə qəzet bildirib.

"Atəş Naxçıvan tərəfdən, sərhədin 2018-ci ildən sonra düşmənin mövqelərini irəli çəkdiyi hissədən açılıb. Bundan əvvəl, aprelin 10-da daha oxşar hadisə qeydə alınıb. Onda atəş nəticəsində hərbi hissə komandirinin müavininin UAZ markalı avtomobili yanıb. Yaxşı ki, hər iki halda qurban olmayıb. Sonuncu hadisə Vayots Dzor bölgəsinin Areni kəndi yaxınlığında qeydə alınıb. Əslində mövqelərimizin hərəkəti düşmən üçün açıq şəkildə görünən və əlçatan olub. Müdafiə Nazirliyinin mətbuat xidməti hadisə ilə bağlı rəsmi açıqlama verməyib, lakin hadisə barədə məlumat təsdiqlənib. Bizə bildiriblər ki, düşmən böyük kalibirlı pulemyotlardan atəş açıb, sürücülər uzaqlaşmağı bacarsalar da, avtomobillər tamamilə yanıb və artıq istifadəyə yararsız hala düşüblər”,- deyə qəzet vurğulayıb.

Qeyd edək ki, 2018-ci ilin may ayında Azərbaycan Ordusunun uğurlu hərbi əməliyyatları nəticəsində Şərur rayonunun Günnüt kəndi və onun ətrafındakı Xunut (2065 metr), Qızılqaya (1683 metr) və Mehridağ (1869 metr) strateji yüksəllikləri bölmələrimizin nəzarəti altına keçib.

pia.az