Bazar ertəsi, 25 May 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

QMİ: Məscidlərdə bayram namazının qılınması mümkün deyil

“Nazirlər Kabineti yanında Operativ Qərargahın 10 nəfərdən artıq adamın bir yerə toplaşmamaq qadağası qüvvədə qaldığı üçün məscidlərdə bayram, cümə və camaat namazlarının bərpası mümkün deyil”... 

Bunu APA-ya Qafqaz Müsəlmanları İdarəsinin (QMİ) sədr müavini Fuad Nurullayev deyib.

Onun sözlərinə görə, qərar qüvvədə qaldığı müddətdə bayram namazını camaatla birgə qılmaq imkanı yoxdur: “Camaat namazları məscidlərdə bərpa olunduqdan sonra insanlar məscidlərdə yenidən birgə namaz qıla bilərlər. Şəriət qanununa görə bayram namazı kütləvi qılınmalıdır. Şəriət baxımından hətta bildirilir ki, bayram namazı açıq səma altında qılınmalıdır. Bizdə belə şərait olmadığına görə, hər il bayram namazlarını məscidlərdə qılırdıq. Koronavirusun yayılmasına görə dünyanın bütün müsəlman ölkələrində cümə, camaat namazları təxirə salınıb. İnsanlar bayramda ailəvi bayramlaşa biləcəklər, bir-birlərini təbrik edə biləcəklər, amma bayram namazının qılınması vacib deyil. Bir insanın evində 3-5 adamla birgə bayram namazı qılmasına ehtiyac yoxdur.

İnsanlar Ramazan bayramında ailə başına hər bir adam üçün 3 kq ərzaq və ya pulu fitrə çıxaracaqlar. Adətən Qazılar Şurası bildirirdi ki, bir adam üçün 5-10 manat arası fitrə çıxılır. Kimin imkanı varsa həmin ərzağı və ya pulunu kimsəsiz, imkansız adamlara verə bilər. İlk olaraq fitrə qohumda, qonşuda, yaxında olan imkansız adamlara paylanmalıdır. Daha ailə başçısını itirən insanlar, şəhid ailələri, qayğıya möhtac qocalar, xəstə insanlara fitrə zəkatını vermək olar. Bizdə adətdə bayram günü qəbir üstə getmək də var. Mayın 18-dən SMS icazəsi ilə evdən çıxmaq qadağası götürüləcəyi üçün qəbir üstünə də getmək olar”.

Bayramın vaxtına gəldikdə isə F. Nurullayev qeyd edib ki, QMİ-nin Şamaxı Astrofizika Rəsədxanası ilə əldə etdiyi təqvimə əsasən, Ramazan bayramı mayın 24-nə təsadüf edəcək: “Bir gün əvvəldən araşdırmalar aparılır. Ölkənin hər yerində olan nümayəndələrimizlə əlaqə yaradılır. Riyazi hesablamalara görə mayın 23-ü Ayın görünməsi baş verməlidir, 24-ü isə bayram olmalıdır. İnsanlar bir şeyi qarışdırmamalıdır, bəzən dünyada ayın görünməsi baş verir, amma o bizim üfüqə aid olmur. Ayın görünməsi yaşadığın üfüqdə görünməlidir. Yəni böyük saat fərqi olmayan yerlərdə olmalıdır. Tutaq ki, bu gün Amerika və ya Afrika qitəsində ay görünürsə, bu bizə 16-17 saat sonra gəlib çıxa bilir. Bu onu göstərir ki, səhəri onlar bayramı edə bilirlər, amma biz yox. Biz bir gün sonra bayram edə bilərik. Dünyada Ayın görünməsi baş verirsə, onlar bunu öz şəraitlərinə uyğun qərarlaşdıra bilirlər. Quranın buyurduğu budur ki, insanların yaşadığı üfüqdə Ay görünməlidir. İslam da elmi dəstəkləyir. Bizim də Şamaxıda olan Rəsədxanamız dünyadakı bu cür elmi mərkəzlərdən biridir. Biz onlarla birgə bu məsələni araşdırıb, əməkdaşlıq edirik. Hər il Ramazan başlayanda da, bayramın zamanı da bəyan olunur. Bu il də yenə bir gün əvvəl araşdırma aparacağıq. Əgər dəyişiklik baş versə, Qafqaz Müsəlmanları İdarəsi bununla bağlı məlumat açıqlayacaq. Ümidvarıq ki, ayın 24-ü bayram olmalıdır. Onu da qeyd edim ki, şəriətə görə kiminsə evində bayram namazı qılmağı məsələsi yoxdur. Sadəcə olaraq, bir adam təsəlli üçün öz istəyi ilə bayram günü evində 2 rükət namaz qılmaq istəyərsə, namazın təxminən saat 12:45-ə qədər qılınması savabdır. Amma şəriətdə fərdi bayram namazı qılmaq yoxdur, namaz gərək camaatla birgə qılına. Əvvəl də müəyyən zamanlarda bayram namazlarını birgə qılmağa şərait olmayıb. Məsələn, Sovet dövründə yaşayanda məscidlər bağlı idi, bayram namazlarını bərpa edə bilmirdik. Ona görə də istəyənlər təsəlli üçün öz evində qılırdı. Dediyim kimi, əgər camaatla birgə bayram namazı qılmaq imkanı olanda, sübh açılandan Zöhr namazına qədər qılmaq ən gözəl zamandır. Bütün müsəlmanların, xalqımızın bayramını təbrik edirik. Camaatla birgə yenidən məscidlərdə bu namazları qılmaq nəsib olsun. Hazırda dünyada müvəqqəti maneə yaranıb, bizdə də dövlət insanları qorumaq, yoluxmanın qarşısını almaq üçün qərarlar verib və möminlər də bunu dəstəkləyib əməl edirlər”.

pia.az 

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: Namaz


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Həbs olunan DSX polkovnikinə federasiyanın vitse-prezidenti “krışa”lıq edirmiş? 

Əbülfəs Qarayevlə Elçin Quliyevin "vurulmasının" gerçək səbəbləri - Britaniyada cinayət işi açılıb

Nazirin oğlu 4 milyon dollarlıq mənzil aldı - Foto

İngiltərəyə 17 milyon dollar aparan azərbaycanlı ər-arvad kimdir?

"Hansı vəsait hesabına onun ətrafında cangüdənlər, köməkçilər var?" - Siyavuş Novruzov

Baş prokurorun yeni müavinləri haqda maraqlı məlumatlar

Bakıda yaşayış binasına ilan sürüsü girdi: Sakinlər qorxu içində - Video

Rüstəm Usubovun qəzaya düşən bacısı dünyasını dəyişdi

Kürdəmirdə koronavirusa yoluxanların sayı 61-ə çatdı - Say sürətlə artır- Yenilənib

Eldar İbrahimov: "Oğul atasının yasına gedə bilmir"

Mingəçevirdə avtomobil 13 nəfəri vurub, 4 uşağın vəziyyəti ağır və orta ağırdır - Foto,Yenilənib

“30 ildir torpaqlar işğaldadır, buna qəzəblənmirlər, amma indi bir dılğıra görə...”

loading...

Ən çox oxunanalar