Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Bakıdan İstanbula getdilər: 120 min dollar oğurladılar

İstanbul Cümhuriyyət prokurorluğu ötən il noyabrın 1-də Fatih Laləli rayonunda azərbaycanlı iş adamının şirkətinə edilmiş silahlı basqın və soyğunçuluq barədə yekun ittiham aktını məhkəməyə təqdim edib....

Virtualaz.org Türkiyə KİV-lərinə istinadən xəbər verir ki, soyğunu törədənlər Azərbaycan, Rusiya və Gürcüstan vətəndaşları olan 6 nəfərdir. Onlar iş adamı Zahid Həsənovun “Feniks cargo” adlı şirkətinin ofisinə basqın edərək 120 min dolları ələ keçiriblər. Soyğunçular başlarında kepka və onun üstündən qara maskalar keçirərək iş yerinə basqın ediblər.

İttiham aktına əsasən soyğunçular iş yerinin səlahiyyətli şəxsi Əli Rəhimovun başına silah dayayıblar, işçi Eldəniz Rəfiyevi isə bıçaqla təhdid edərək zərərsizləşdiriblər. Daha sonra soyğunçular şirkətin kassasında olan 120 min dolları ələ keçirərək çantaya qoyublar və hadisə yerindən uzaqlaşıblar. Bu vaxt Eldəniz Rəfiyev soyğunçuların arxasınca qaçaraq “yaxalayın” deyə polislərdən yardım istəyib.

Köməyə gələn polislər soyğunçulardan birini-Vəli Vəliyevi yaxalaya bilib. Digər şübhəli isə qaçıb gizlənə bilib, onları tutmaq hələ də mümkün olmayıb. Bu nəfərin barəsində prokurorluq tərəfindən həbs orderi verilib.

Dindirmə zamanı Vəli Vəliyev deyib ki, Türkiyəyə Vüsal adlı şəxslə gəlib. “Digər şübhəlilərlə eyni oteldə qaldıq. Mənə mal boşaldıb qayıdacağımızı dedilər. Hadisə ilə əlaqəm yoxdur. Əvvəlcədən onların soyğunçuluq edəcəyini bilmirdim”,-həmin şəxs ifadəsində özünü müdafiə etməyə çalışıb.

İş adamı Zahid Həsənov isə ifadəsində soyğun hadisəsi zamanı Rusiyada olduğunu bildirib. “Polislər tərəfindən yaxalanan Vəli Vəliyev mənim həmkəndlimdir və tanıdığım adamdır. Şübhəlilərdən şikayətçiyəm”,-o ifadəsində deyib.

Prokurorluq V.Vəliyevin barəsində soyğunçuluq və başqasının malına zərər vermək ittihamları irəli sürüb. Bu ittihamlar üzrə onu 10 il 4 aydan 18 ilə qədər həbs cəzası gözləyir. Soyğunun görüntüləri iş yerində qoyulmuş videomüşahidə kameraları və küçədəki təhlükəsizlik kameraları tərəfindən qeydə alınıb.

Polis müəyyən edib ki, dəstə soyğunçuluq üçün Bakıdan İstanbula gedib. Onlar ələ keçirdikləri pulları qanunsuz yollarla Türkiyədən çıxarıblar.

“Feniks cargo” 2000-ci illərin əvvəllərindən fəaliyyət göstərən nəqliyyat-logistika şirkətidir və Türkiyədən yüklərin əsasən Rusiyaya, digər yaxın xarici ölkələrə daşınmasını təşkil edir.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Paşinyan bu dəfə Azərbaycanı deyil, Türkiyəni hədəf aldı...

Aprel ayında bu bürcü fantastik pul və yeni vəzifə gözləyir

Məşhur vəkilə qarşı ittiham: 7 min manat pul alıb    

Politoloq: Ukraynadan sonra növbəti qurban Ermənistan seçiləcək...

Ərəstun Oruclu: Ermənistanda və Moldovada konfliktlərin qaynar fazaya keçməsini istisna etmirəm...

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Azərbaycanda pensiyaçıların sayı 2026-cı ilə qədər azalacaq

Əhməd Əhmədov təcridxanaya qaytarıldı - Bundan sonrakı hüquqi qiymətləndirmə necə olacaq?

Ən çox oxunanalar