Pop ulduz PİNK koronavirusdan sağaldı - 1 milyon dollar yardım etdi

.az xarici mətbuata istinadən xəbər verir ki, 40 yaşlı dünya ulduzu PİNK sosial şəbəkə hesabında koronavirusa tutulduğunu və sağaldığını bildirib: “İki həftə əvvəl üç yaşlı oğlum Ceymson və mən COVID-19-un əlamətlərini daşıyırdıq. Təəssüf ki, testlərimiz pozitiv çıxdı. İki həftəlik karantindən sonra yenidən analiz verdik, şükürlər olsun ki, nəticə pozitiv çıxmadı".

Bundan sonra pop ulduz koronavirusla mübarizə üçün xeyriyyəçiliyə də imza atıb. O, Filadelfiyadakı ürək nəqli xəstəxanasına 500 min, həmçinin Los Ancelesdəki koronavirusla mübarizə fonduna 500 min dollar maliyyə yardımı edib.

Qeyd edək ki, PİNK yanvar ayında Avstraliyadakı yanğın zamanı dəstək üçün 500 min dollarlıq yardım etmişdi.

pia.az