Bazar ertəsi, 25 May 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Bakının taksi sektorunun ürəkağrıdan vəziyyəti

Bakıda taksi və ayıq sürücü şirkətləri çöküb; 1 manatlıqlar isə...

Bakının taksi xidməti sektoru demək olar ki, çöküb. İstər ənənəvi taksilər, istərsə şirkətlərin taksiləri müştəri üzünə həsrət qalıblar. Hətta Bakı metrosunun tam bağlanması da taksi sürücülərinin işini yaxşıladırmayıb.

Musavat.com üçün hazırladığımız reportaj zamanı öyrəndik ki, koronavirus təhlükəsi ilə əlaqədar əksər nazirliklərin, qurumların işçilərini məzuniyyətə göndərməsi, kafe-restoranların dayanması taksilərin işinə birbaşa mənfi təsir göstərib.

Hazırda şəhərin məşhur “189”, “85 55”, “99 33”, “Uber”, “Bolt”, “Omega” və digər onlayn taksi firmalarının işi dayanmış sayıla bilər. Gün ərzində tək-tük müştəri sifarişləri olur.

Həmçinin, məntiqi olaraq, “ayıq sürücü” xidmətləri də işləmir. Əgər restoran-kafelər fəaliyyət göstərmirsə, “ayıq sürücü”lərə də ehtiyac qalmır.

Taksi firmaları ilə əməkdaşlıq edən sürücülər də təsdiqləyirlər ki, vəziyyət olduqca ağırdır. Sürücü Namiq Abdullayev:
“Bu virusa görə ən böyük zərbə bizə dəydi. Çünki günəmuzd işləyirik, heç yerdən maaş almırıq. İndi evdə oturursan, gün ərzində 2-3 sifariş gəlir.

Əvvəla günə azı 15-17 sifariş olurdu, evə hər gün 30-35 manat aparırdıq. Elə taksilər var ki, maşınları kreditdədir, ödəniş etməlidirlər. Bu cür vəziyyət onlara pis təsir etməkdədir”.

Sürücülər qeyd edirlər ki, metronun bağlanmasına, avtobusların məhdud sayda sərnişin götürməsinə baxmayaraq, taksi sektoru dirçəlmir: “Bizə tələbat olmalıydı. Amma eyni vəziyyətdir.

İnsanların əksəriyyəti evdən çölə çıxmırlar. İşə gedənlərin ya bir qisminin şəxsi avtomobili var, ya da avtobusu gözləməyə üstünlük verirlər”.

Sürücülərin sözlərinə görə, onlayn sifarişlərin azalması “Uber” və “Bolt”da da özünü göstərir: “Bu xidmətdən daha çox ofis, bank, firma, müxtəlif özəl şirkət sektorlarında işləyənlər istifadə edirdilər. Onlar da sifariş vermirlər. Gündəlik dolanışıq üçün 10 manat çıxara bilmirik”.

Buna baxmayaraq, metronun “20 Yanvar” stansiyası önündə dayanan, bəzən tıxaclara səbəb olan 1 manatlıq taksilərin işi isə nisbətən yaxşıdır.

Düzdür, “Binə” və “Sədərək” ticarət mərkəzlərinin bağlanması 1 manatdan müştəri daşıyan həmin taksilərə də ciddi ziyan vurub.

Sadəcə, “Meyvəli” topdansatış mərkəzinin işləməsi, o cümlədən Lökbatan, Müşviqabad, Pirəküşkül, Hökməliyə gedənlərin olması 1 manatlıq taksiləri müəyyən qədər vəziyyətdən çıxarıb.

Onlar yenə metronun qarşısında dayanaraq müştəri gözləyirlər. Amma bu dəfə metro bağlandığına görə nə stansiyadan çıxan sərnişinlərin üzərinə şığıyırlar, nə də bərk qışqırıb müştəri səsləyirlər, nə də yolu əvvəlki kimi tam kəsirlər...

 

 

Fotolar



Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: taksi

Şərh yazın.


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Həbs olunan DSX polkovnikinə federasiyanın vitse-prezidenti “krışa”lıq edirmiş? 

Əbülfəs Qarayevlə Elçin Quliyevin "vurulmasının" gerçək səbəbləri - Britaniyada cinayət işi açılıb

Nazirin oğlu 4 milyon dollarlıq mənzil aldı - Foto

İngiltərəyə 17 milyon dollar aparan azərbaycanlı ər-arvad kimdir?

"Hansı vəsait hesabına onun ətrafında cangüdənlər, köməkçilər var?" - Siyavuş Novruzov

Baş prokurorun yeni müavinləri haqda maraqlı məlumatlar

Bakıda yaşayış binasına ilan sürüsü girdi: Sakinlər qorxu içində - Video

Rüstəm Usubovun qəzaya düşən bacısı dünyasını dəyişdi

Kürdəmirdə koronavirusa yoluxanların sayı 61-ə çatdı - Say sürətlə artır- Yenilənib

Mingəçevirdə avtomobil 13 nəfəri vurub, 4 uşağın vəziyyəti ağır və orta ağırdır - Foto,Yenilənib

Eldar İbrahimov: "Oğul atasının yasına gedə bilmir"

“30 ildir torpaqlar işğaldadır, buna qəzəblənmirlər, amma indi bir dılğıra görə...”

loading...

Ən çox oxunanalar