Tokio-2020-nin tarixi dəyişilməyəcək - Baş Nazir

Tokio-2020 Yay Olimpiya Oyunlarının keçirilmə vaxtında heç bir dəyişiklik edilməyəcək.

PİA.az saytının məlumatına görə, bunu Yaponiyanın baş naziri Sindzo Abe deyib.

O bildirib ki, koronavirus epidemiyasının dünyanın bir çox ölkəsində yayılmasına baxmayaraq, Olimpiada planlaşdırıldığı tarixdə keçiriləcək: "İnfeksiyanın yayılmasının qarşısını alacağıq və planlaşdırıldığı kimi, heç bir problem olmadan Oyunları qəbul edəcəyik".

Qeyd edək ki, son məlumata əsasən, Yaponiyada 1423 nəfər koronavirus xəstəliyinə tutulub, onlardan 28-i ölüb. Tokio-2020 isə 24 iyul - 9 avqust tarixlərində keçirilməlidir.

pia.az