İran Prezidenti koronavirusa görə vətəndaşları səyahət etməməyə çağırıb

APA-nın Tehran bürosunun məlumatına görə, H. Ruhani bu gün koronavirusla mübarizə üzrə milli qərargahın iclasında çıxışı zamanı bəzi şəxslərin qərargahın göstərişlərinə əməl etməməsindən narahatlığını ifadə edib.

“Koronavirusla mübarizədə qısa müddətli proqram çərçivəsində əsas şərt dövlət qurumları ilə xalqın hərtərəfli əməkdaşlığıdır. Buna görə əhalini ehtiyatlı olmağa, zərurət yaranmadığı təqdirdə səyahət etməməyə səsləyirəm”, - deyə İran Prezidenti vurğulayıb.

O, tibbi ləvazimatlarla bağlı çatışmazlıqların aradan qaldırılması ilə bağlı müvafiq tapşırıqlar da verib.

Qeyd edək ki, İran Səhiyyə Nazirliyinin son statistikasına görə, İranda koronavirusdan 145 nəfər ölüb, xəstəliyə yoluxanların sayı isə 5823-ə çatıb.

pia.az