Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

"Yüksəliş" dövlət və özəl sektorun marağındadır

"Yüksəliş" (https://yukselish.az) müsabiqəsi Azərbaycanda potensial kadr seçimi və hazırlığına yönəlmiş ən irimiqyaslı layihədir...

Müsabiqə həm də idarəçilərə öz peşələrində yüksəlməyi vəd edir, özünü kəşf etmək üçün yeni imkanlar yaradır. İnkişafa, islahata hədəflənən çoxməqsədli proqramları həyata keçirməyi planlaşdıran müsabiqə yerli dövlət və özəl qurumlarla yanaşı, ölkədə fəaliyyət göstərən xarici şirkətlərin də marağına səbəb olub.

Qaliblər qlobal təcrübə proqramına qoşula biləcəklər

Dünya Bankının Azərbaycan nümayəndəliyinin ictimaiyyətlə əlaqələr üzrə müşaviri Zaur Rzayev müsabiqəni ölkəmizdə insan kapitalının gücləndirilməsi baxımından çox ciddi addım kimi dəyərləndirib. O bildirib ki, Dünya Bankının xüsusi təcrübə proqramı mövcuddur və bu təcrübəni müsabiqə iştirakçıları ilə bölüşməyə hazırdır: "Gələcəkdə öz karyerasını Dünya Bankı qrupu ilə bağlamaq istəyən qalib bu proqrama müraciət edə bilər. Hətta bu təcrübə proqramında uğur qazanarlarsa, bir neçə ay ərzində Dünya Bankının baş qərargahında çalışmaq imkanı yaranır. Əlbəttə, daha çox azərbaycanlının dövlətlərarası təşkilatlarda, beynəlxalq korporativ sektorda çalışması ölkəmiz üçün də uğurlu addım olardı".

ASAN Xidmətin Könüllülərlə iş sektorunun müdiri Sahil Məmmədli də innovativ düşüncəli, yüksək səriştəli kadr axtarışı istiqamətində "Yüksəliş" layihəsinin ölkə üçün əhəmiyyətindən danışıb: "Xüsusən gənclərlə işləyən idarəçi kimi müşahidələrimə əsasən deyə bilərəm ki, gənclərimizin sosial və maarifləndirici tədbirlərdə aktiv iştirak etməsi sevindirici haldır. Təlimlərə qatılıb özlərini inkişaf etdirmələrinə, təkmilləşdirmələrinə vaxt ayırırlar. "Yüksəliş" müsabiqəsi də bu məqamda çox vacib bir addım idi. Bir neçə il əvvəl konüllülük proqramına qatılan elə şəxslər var ki, artıq bəziləri idarəçi işlərdə çalışırlar. Bu müsabiqəyə də böyük maraq və həvəslə qatılıblar. Onlar şəffaflığın, hər hansı bir bürokratik əngəllərin olmadığı mühitdə yetişən gənc beyinlərdir. Əlbəttə, belə bacarıqlı insanların gələcəkdə müxtəlif strukturlarda çalışmasına böyük zərurət var".

DOST Agentlyinin şöbə müdiri Tural Əlizadə bildirib ki, dünyada əmək bazarında ənənəvi biliklərlə yanaşı, bacarığı olan şəxslərə də üstünlük verilir. "Yüksəliş" müsabiqəsinin də mahiyyətində liderlik qabiliyyəti, strateji düşüncə, dəyişikliklərin həyata keçirilməsi, yeniliklərə açıq olmaq və sosial məsuliyyət kimi kompetensiyalar yer alır. Təbii ki, bu müsabiqənin ölkəmizdə təşkili kadr potensialının formalaşdırılmasında yeni yanaşma deməkdir".

Qeyd edək ki, "Yüksəliş" müsabiqəsi Prezident İlham Əliyevin iyulun 26-da imzaladığı sərəncamla intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar