Gürcüstanın baş naziri Pentaqon rəhbəri ilə görüşdü

“Report”un yerli bürosu xəbər verir ki, görüşdə müdafiə sahəsində Gürcüstan-ABŞ əməkdaşlığının uğurla həyata keçirildiyi bildirilib.

Tərəflər Gürcüstanda aparılan islhatlarda ABŞ-ın dəstəyinin əhəmiyyəti, regionda mövcud problemlər fonunda ölkənin müdafiə qabiliyyətinin möhkəmləndirilməsini vacibliyini qeyd ediblər.

Görüşdə Gürcüstanın 2020-2030-cü illər üçün Müdafiə Qüvvələrinin inkişaf planı da müzakirə olunub.

G.Qaxaria Gürcüstanın təhlükəsizlik sahəsində ABŞ-ın dəstəyinin əhəmiyyətini vurğulayıb. Bu kontekstdə Qara dənizdə təhlükəsizlik və NATO ilə əməkdaşlıq məsələlərinə xüsusi diqqət ayırılıb. Tərəflər həmçinin hibrid təhlükələrə qarşı ABŞ-la əməkdaşlığın zəruriliyini də qeyd ediblər.

ABŞ tərəfi Gürcüstanın beynəlxalq sülhməramlı missiyalarındakı əhəmiyyətli töhfəsini yüksək qiymətləndirib.

Gürcüstan tərəfdən görüşdə xarici işlər naziri David Zalkaliani, müdafiə anziri İrakli Qaribaşvili və baş nazirin beynəlxalq münasibətlər üzrə müşaviri İrakli Çikovani də iştirak ediblər.

pia.az