Əfqanıstanın paytaxtı Kabildə baş verən terror aktı nəticəsində 5 nəfər ölüb...
APA-nın "TOLO News" agentliyinə istinadən verdiyi xəbərə görə, bu barədə Daxili İşlər Nazirliyinin sözçüsü Nəsrət Rəhimi bildirib.
Terror aktı Kabildə Marşal Rəhim adına hərbi akademiyanın yaxınlığında baş verib.
Hadisə nəticəsində 4 hərbçi və bir mülki şəxs ölüb, 5 hərbçi və bir mülki vətəndaş isə yaralanıb.
Hələlik heç bir qruplaşma hadisənin məsuliyyətini öz üzərinə götürməyib.
pia.az