"Qarabağ" "Fənərbaxça"nın futbolçusunu alır

Azərbaycanın "Qarabağ" klubu 28 yaşlı yarımmüdafiəçini heyətinə qatmağa yaxındır.

Artıq tərəflər arasında danışıqların baş tutduğu və bəzi məsələlərdə razılıq əldə olunduğu bildirilib. Xəbərdə Ağdam təmsilçisinin bu transferi gerçəkləşdirməsi üçün təzminat haqqını ödəyə bilməyəcəyi və bu səbəbdən də türkiyəli futbolçunu icarəyə götürmək istədiyi yazılıb. "Fənərbaxça" klubu Alperi "Rizespor"a icarəyə vermək istəsə də, futbolçunun özünün "Qarabağ"da oynamaq istədiyi vurğulanıb.

Qeyd edək ki, 2013-cü ildən "Fənərbaxça"da çıxış edən Alper Potuk keçirdiyi 152 oyunda 12 qol vurub. (Report)

pia.az