9 fevralı Mingəçevir camaatı toy-bayram edəcək...

DİA.AZ: - 47 saylı Mingəçevir seçki dairəsindən deputatlığa namizəd, DİA.AZ saytının baş redaktoru Məhəmməd Ərsoy (Zamanov) keçən həftənin son üç günü namizəd olduğu dairədə seçicilərlə davamlı görüşlərini keçirib. Bu görüşlərlə bağlı danışan Məhəmməd Zamanov aşağıdakıları bildirib:

- Hər bir Mingəçevirliyə təşəkkür edirəm. Görünəni odur ki, cənab Prezident İlham Əliyevin çağırışına təkcə bizlər yox, həm də seçicilər böyük həvəs və inamla reaksiya veriblər. Bu gün Mingəçüvir sakinləri böyük ümidlə 9 fevral tarixinə baxırlar. İnanırlar ki, bu seçkilərdə həqiqətən də onların iradəsi rəsmən ifadə olunacaq və camaatın seçdiyi namizəd deputat kürsüsündə onların maraqlarını ifadə edəcək.

- Seçicilərlə görüşləriniz oldu. Nə qənaətə gəldiniz?

- 2005-ci ildə də namizəd olmuşdum. Bilirsiniz. Qələbə qazanmşdım. Qələbəm rəsmən tanınmasa da, Mİngəçevir seçicisinin yaddaşında qalib kimi qaldığımdan bu gün əslində, mənə Mingəçevirdə çox rahatdır. 15 il aradan vaxt keçsə də, camaatımız məni elə qalib kimi qarşılayır. İnanıram ki, qalib kimi də bağrına basacaq. Yəni 9 fevral tarixində də qələbəmizi qeyd edib, həmin tarixi Mingəşevirin Qurtuluş kimi qeyd edəcəyik. Qaranlıqdan qurtulduğu gün kimi...

9 fevralı Mingəçevir camaatı toy-bayram edəcək...

-Sizcə, seçkidə Mingəçevir sakinləri kimə səs verəcəklər?

-Deyə bilmərəm kimə səs verəcəklər... Amma tək deyə biləcəyim var: Bu seçkilərdə qutudan Aydın Mirzəzadə çıxacaqsa, bütün Mingəçevir məyus olacaq, Mingəçevir camaatının inamı birdəfəlik qırılacaq. Və mən inanıram ki, bunu dövlət rəhbərliyi istəmir. Elə belə bir istəyin olmaması həm də cənab Prezidentin "Seçkilərdə xalqın etimad göstərdiyi namizədlər qalib gələcək" çağırışından da net şəkildə görünməkdədir.

pia.az