Rüsumla rüşvəti səhv salan keçmiş nazir mandat arzusuna düşüb - Video

Bu gündən etibarən qeydə alınmış namizədlər, namizədi qeydə alınmış siyasi partiyalar, siyasi partiyaların blokları, səlahiyyətli nümayəndələr, vəkil edilmiş şəxslər seçkiqabağı təşviqata başladığı və ölkədə yeni simaların üzə çıxdığı bir vaxtda tarixçəsi rüşvət və qanunsuzluqla olanlar yenidən mandat arzusuna düşüblər. Mərhum Prezident Heydər Əliyevin önündə məruzə edərkən rüşvətlə rüsumu səhv salan və bu səbəbdən işdən çıxarılan keçmiş gömrük komitəsinin sədri Tahir Əliyev 43 saylı Sumqayıt birinci seçki dairəsindən namizədliyini irəli sürüb. Həmçinin qeyd edək ki, Tahir Əliyev 21 gün müdafiə, 39 gün daxili işlər naziri və 1 il 5 ay müddətinə Gömrük Komitəsinin sədri vəzifəsində çalışıb.

Tahir Əliyev həmçinin 1991-ci ildə Ali Sovetin tərkibindən yaradılan Milli Məclisdə “Demokrtaik blok”un 25 üzvündın biri olub. Daha çox dağıdıcı və populist fəaliyyətləri ilə yadda qalıb.

Fəaliyyət dövrü isə başdan ayağa fiasko olan Tahir Əliyev haqqında bu videonu izləmək onun fəaliyyət illəri dövründə Azərbaycana vurduğu zərəri anlamağa kifayət edər.

pia.az