Çərşənbə, 22 Yanvar 2020
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

SOCAR: Belarusa neft tədarük etməyə hazırıq

"SOCAR Belarusa həm Azərbaycan, həm də digər istehsalçıların neftini tədarük etməyə hazırdır"...

Bunu "APA-Economics"ə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.

"Onlar (Belarus tərəfi – red.) bizə sorğu ilə müraciət ediblər, lakin hələ konkret tədarükdən söhbət getmir. Belarus tərəfinə məlumat təqdim olunub. Prinsip etibarilə, həm Azərbaycan, həm də digər nefti tədarük etməyə hazırıq. Əvvəllər biz onları neftlə təmin edirdik. Bunu bərpa etməyə imkan var", - deyə İ. Əhmədov qeyd edib.

Bundan başqa, İ. Əhmədov əlavə edib ki, hazırda Belarus tərəfi bazardakı imkanları nəzərdən keçirir.

Xatırladaq ki, Belarusun Baş nazirinin birinci müavini Dmitri Krutoy yaxın vaxtlarda alternativ mənbələrdən (Rusiya neftinə alternativ olaraq – red.) neftin idxalı ilə bağlı razılaşmaların əldə olunmasını gözləyir. O qeyd edib ki, hazırda bir sıra ölkələrdən tədarük imkanları nəzərdən keçirilir. Belarusun Baş nazirinin sözlərinə görə, artıq bir sıra ölkələrə neftin tədarükü üçün müvafiq kommersiya təklifləri göndərdilib. Bu ölkələr sırasında Ukrayna, Polşa, Baltikyanı ölkələr, Qazaxıstan və Azərbaycan yer alıb.

pia.az

Hostimul.com
Paylaşılan hostinq, fiziki server, VPS və ya reseller hostinqa ehtiyacınız olarsa, təklif etdiyimiz hostinq xidmətləri ilə nəinki layihənizə uyğun bir hostinq məhsulu seçib, həm də veb-saytınızı lazımi qorunma ilə təmin edə bilərsiniz. Ətraflı məlumat üçün daxil olun: https://hostimul.com/az/hosting-azerbaycan/

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: SOCAR

Şərh yazın.


loading...

Ən çox oxunanalar