Almaniyanın ARD televiziya kanalı Beynəlxalq Ağırlıqqaldırma Federasiyasının (IWF) rəhbərliyini korrupsiyada və müsbət dopinq testlərini gizlətməkdə günahlandırıb...
"Report"un məlumatına görə, ağırlıqqaldırmanın çirkli bir idman növü olduğu və dopinq məsələlərinə görə bir sıra milli federasiyaların cəzalandığı, lakin vəziyyətin qlobal səviyyədə dəyişmədiyi vurğulanıb.
Telekanal iddia edir ki, 2008-ci ildən 2017-ci ilə qədər olan olimpiada və dünya çempionatlarının 450 medalçısının yarısından çoxu məşq proseslərində dopinq testlərindən keçməyiblər. Qanunu pozanların əksəriyyətinin ruslar olduğu qeyd olunub. Ölkədaxili yarışlarda "təmiz" dopinq testinin dəyəri 55, beynəlxalq yarışlarda isə 180 avrodur. Bu məbləğlərə hansısa insan idmançıların yerinə testdən keçə bilər.
2020-ci ildə ağırlıqqaldırmada 700-dən çox antidopinq qayda pozuntusu qeydə alınıb. Telekanal bunun həqiqi rəqəm olmadığını iddia edir. 1992-ci ildən bəri Beynəlxalq Olimpiya Komitəsi (IOC) IWF-nin hesabına 23 milyon dollardan çox vəsait köçürüb. Bunların federasiyanın maliyyə hesabatında göstərilmədiyi və ən azı 5,5 milyon avronun taleyinin bəlli olmadığı söylənilir. IWF-nin prezidenti Tamaş Ayanın bu hesablara girmək haqqının olduğu da vurğulanıb.
pia.az
Digərxəbərlər
Populyar xəbərlər
