ABŞ rəhbərliyi İrandakı etirazlarda rolu olduğu bildirilən İran rəsmiləri əleyhinə sanksiyalar və viza məhdudiyyəti tətbiq edəcəyini açıqlayıb...
ABŞ Maliyyə nazirliyinin yaydığı rəsmi açıqlamadan məlum olur ki, Abdülhaşim Salavati və Muhammed Moghisseh adlı 2 iranlı hakim sanksiyalar siyahısına salınıb.
Bu hakimlərin “ifadə və toplaşma azadlıqlarını istifadə etmək istəyən İran və xarici ölkə vətəndaşlarını cəzalandırdıqları” iddia edilib.
“CNNTürk” xəbər verir ki, ABŞ Xarici İşlər naziri Mayk Pompeo mövzu iləl bağlı açıqlama verərək, Maliyyə nazirliyinin qərarını məmnuniyyətlə qarşıladığını bildirib. Pompeo həmçinin bildirib ki, “İrandakı dinc nümayişlər əsnasında vəzifəsini pis niyyətlə istifadə edən, hüquqazidd həbslər aparan və təqsirsiz insanları öldürən və ya bu fəaliyyətlərə aid olan iranlı rəsmilərə və şəxslərə viza məhdudiyyəti tətbiq edəcəyik”.
pia.az