Çərşənbə, 11 Dekabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

Tbilisidə polis etiraz aksiyasını dağıdıb

10 nəfər saxlanılıb...

Gürcüstan Daxili İşlər Nazirliyinin (DİN) xüsusi təyinatlı polis dəstələri Tbilisidə parlament binası ətrafında keçirilən etiraz aksiyasına müdaxilə edib.

APA-nın yerli bürosu xəbər verir ki, Gürcüstan DİN səhər saat 5 radələrində etirazçılara meydanı tərk etmələri üçün 30 dəqiqə vaxt verdiyini açıqlasa da, aksiya davam edib. Nəticədə xüsusi təyinatlı polis qüvvələri hərəkətə keçib, parlament binasının girişlərinə toplanmış etirazçıları ərazidən çıxarıb və çadırları, eləcə də digər yardımçı vasitələri təmizləyib. Aksiyaçıların dağıdılması zamanı su şırnağından da istifadə edilib.

Aksiyanın dağıdılması zamanı etirazçılarla polis arasında qarşıdurma yaranıb, 10 nəfərin saxlanıldığı bildirilib. Saxlanılanlar arasında müxalif fəal Akaki Minaşvilinin də olduğu qeyd edilib.

Nümayişçilər qanunun tələblərini pozmadıqlarını və etiraz aksiyasını bərpa edəcəklərini bildiriblər. Hazırda parlament binası ətrafında sakitlik hökm sürür.

pia.az

 

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: Tbilisi aksiya

Şərh yazın.


loading...

Ən çox oxunanalar