Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Türkiyə 29 İŞİD döyüşçüsünü Azərbaycana göndərir – Siyahı açıqlandı

“Hurriyet” qəzeti Türkiyənin deportasiya etməyə başladığı İŞİD üzvlərinin siyahısını açıqlayıb

Siyahıda Azərbaycanın da adı var. İlkin mərhələdə Azərbaycana 29 İslam Dövləti (İŞİD) silahlı qruplaşması üzvünün deportasiya olunacağı bildirilir.

Siyahıda Rusiya (99), Almaniya (17), Tacikistan (21), Qırğızıstan (23), Qazaxıstan (10) və digər ölkələr yer alıb.

Türkiyə bir neçə gün öncə İŞİD üzvlərinin deportasiyasına başlayacağını, Avropadan gedən İŞİD-çilər üçün “otel olmadığını” bəyan edib. Bəzi ölkələrdə bu məsələ müzakirələrə yol açıb.

“Balkan Insight” portalında Hamdi Firat Buyuk Balkan ölkələrinin yeni bir problemlə üzləşdiyini yazır. “Türkiyənin Avropayla münasibətində yeni alver predmeti olan bu məsələ, ekspertlərin fikrincə, Balkan ölkələrindən ötrü böyük sınağa çevriləcək”, – müəllif yazır.

“Ümumilikdə, dünyada heç kəs əcnəbi döyüşçüləri qəbul etməyə hazır deyil, çünki bu, yeni beynəlxalq fenomendir. Əlbəttə, inkişaf etmiş ölkələr bu problemi Balkan ölkələrinə nisbətən daha asanlıqla yoluna qoya bilərlər”, – Sarayevoda mənzillənən müstəqil təhlükəsizlik analitik Safet Music deyib.

“Deyə bilərik ki, məsələylə işləməyə ekspertlər var. Qanunvericilikdə bu məsələ yaxşı tənzimlənir. Ancaq de-radikallaşma prosesi üçün vasitə, eləcə də İŞİD üzvləri və ailələrin yerləşdirməyə məkan yoxdur”, – o, sözlərinə əlavə edib.

Ankaranın TOBB Universitetində beynəlxalq münasibətlər üzrə professor Burak Bilgehan Ozpek deyib ki, Türkiyə Prezidenti Rəcəp Tayyip Ərdogan, suriyalı qaçqınlar və onların Türkiyə ərazisindən Avropa Birliyinə axını məsələsində olduğu kimi, İŞİD döyüşçülərindən də Qərbə təzyiq kimi istifadə edəcək, özünün Suriya siyasəti üzrə güzəşt qoparmağa çalışacaq.

“Ərdogan Türkiyənin Suriyadakı hərbi əməliyyatını dəstəkləməyən Avropa ölkələrinə göstərmək istəyir ki, Türkiyə bu məsələdə Avropa təhlükəsizlik sisteminin bir parçasıdır”, – Ozpek deyib.

İŞİD üzvləri və ailələrindən neçəsinin Balkanlardan olduğu bəlli deyil. Ancaq məqalədə onlardan çoxunun Kosovo, Bosniya, Albaniya və Şimali Makedoniyadan, az hissəsinin isə Monteneqro və Serbiyadan getdiyi vurğulanır.

Kosovo və Bosniya artıq Suriyada vuruşmuş vətəndaşlarından bəzilərini qəbul edib və digərlərinin qəbuluna hazırlaşır.
Türkiyənin əlində 1200 İŞİD döyüşçüsünün olduğu bildirilir. Suriyadakı kürd qüvvələri isə 10 mindən artıq keçmiş döyüşçünü və qohumlarını ələ keçirib.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Azərbaycanda polkovnik-leytenant vəfat etdi - Foto

Bakıda və üç rayonda qazın verilişində məhdudiyyət olacaq

Binə qəbiristanlığında çayxana tikilir? - Video

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ən çox oxunanalar